மூளையே மூலதனம் 3ம் பாவத்தின் யோகபலம் | BrainPower-3rdHouse-newbusiness-startupstories-withoutcapital

மூளையே மூலதனம் 3ம் பாவத்தின் யோகபலம்

உச்சிஷ்ட மகாகணபதி போற்றி...!!!

Uchista Maha Ganapathi pottri

அனைவருக்கும் வணக்கம்!

வாழ்வில் முன்னேற முதலீடுதான் முட்டுகட்டையா? இல்லை கோடி கோடியாய் பண முதலீடு, ஆடம்பரமாக தொழில் செய்தால் தான் கோடிஸ்வர வாழ்க்கையா? எந்த முதலீடும் இல்லாமல் நாம் சம்பாதித்து வாழ வழியே இல்லையா? ஜாதக கட்டத்தில் இதற்கு தீர்வு இல்லையா.....?

அனைத்திற்கும் இங்கு எளிய வழிகளுடன் நல்ல தீர்வு உண்டு!

ஆண்டவன் ஒருபோதும் இவ்வளவு கடுமையான முறையில் ஜீவனத்தை நடத்தவோ அல்லது குபேர பாக்கியத்தை அடையவோ கடுமையான வழிமுறைகளை விதிக்கபடவில்லை.

முயற்சி திருவிணையாக்கும்... முயற்சி தன் மெய்வருத்த கூலி தரும்...

முயற்சியுடையார் இகழ்ச்சி அடையார் என்று தெய்வ புலவர் கூறுவார். ஆம் வீரிய, தைரீய, முயற்சி என்ற காரகத்தை தன்னுள் வைத்திருக்கும் 3ம் பாவத்தில் இதற்கான தீர்வை ஆண்டவன் சூட்சமமாக வைத்திருக்கின்றார்.

கடன்பட்டு அல்லல்லுற்று சொத்துக்களை இழந்து வெற்று கையுடன் ஊரைவிட்டு பிழைப்பதற்கு வழிதேடி பெருநகரத்தை நாடியவர்களுக்கு மூன்றபாவ காரக தொழில்கள் ஒரு விடிவெள்ளி என்றால் அது மிகையாகாது.

மூலதனமே இல்லாமல் மூளையை மூலதனமாக்கி கோடீஸ்வர வாழ்க்கையை மிக எளிதாக அடைந்தவர்களின் ஜாதகங்களை பார்த்தீர்களானால், "மூன்றாம் பாவத்தின் வலிமையால் கிடைத்த யோகம்" என்று தெளிவாக புரியும்.

இளைஞர்கள், எல்லவாவற்றுக்கும் அரசாங்கத்தையே எதிர்பார்த்துக்
கொண்டிருக்கக்கூடாது. நமது தேசத்தில் கோடிக்கணக்கான மக்கள் இருக்கிறார்கள். அவர்கள் அத்தனை பேரையும் அரசாங்கம் தனித் தனித்தனியாக கவனித்து உபசரிக்கும் என்று இளைஞர்கள் எண்ணிவிடக்கூடாது. தங்களுக்கென ஒரு வாழ்க்கையை அமைத்துக் கொள்ள ஒவ்வொரு இளைஞரும் திட்டமிட்டு முயற்சிக்க வேண்டும்.

தங்கள் முனேற்றத்துக்கு ஆட்சியின் உதவியை இரண்டாம் பட்சமாகத்தான்
எதிர்பார்க்கவேண்டும் என்று கரும வீரர் காமராஜர் கூறுவார்கள்.

அரசாங்கம் கவனிக்க தவறினாலும் மானத்தோடு பிழைத்து  வாழ மூன்றாம் பாவம் ஒருபோதும் யாரையும் கைவிட்டதில்லை.

மூன்றாம் பாவத்தின் மகிமையை உணர்ந்தால் அனைவரும் கோடிஸ்வர்களே!

சரி மூன்றாம் பாவத்தின் காரங்கள் என்னென்ன...?

• மூன்றாம் பாவத்தில் உள்ள அக காரகங்கள்: புதிய சிந்தனை, சுருக்குதல், மாற்றம், மனோபலம், திறமை, ஞாபக சக்தி, தைரியம், மனோதிடம், பேராண்மை, உறுதிபாடு, பராக்கிரமம், சிறுதூர பயணங்கள்...

• உறவுகள்: இளைய சகோதரம், அண்டை வீட்டார், உறவுகள், மாமனார், தந்தையின் சகோதர சகோதிரிகள், அண்டை நாடுகள்...

• வாகனங்கள்: சைக்கிள், மோட்டார் சைக்கிள், சிற்றுந்து, பேருந்து, புகைவண்டி...

• உபகரணங்கள்: கடிதம், தொலைபேசி, அலைபேசி, கணினி, மின்சாரம் & மின்னனு சாதனங்கள், செயற்கைகோள், இணையம், வானொலி, அச்சு இயந்திரங்கள், புகைபட கருவிகள், புத்தகம், பத்திரம், ஒப்பந்த ஆவணங்கள்...

• தொடர்பாளர்கள்: கணினி பொறியாளர்கள், பத்திரிக்கை நிருபர்கள், பத்திரிக்கை ஆசிரியர்கள், தொலைகாட்சி தொகுப்பாளர், செய்தி வாசிப்பவர்கள்,  மக்கள் தொடர்பு அதிகாரிகள், தபால் ஊழியர்கள், மின்சார வாரிய ஊழியர்கள், பெண் வேளையாட்கள், தூதுவர், மத்தியஸ்த்தர், பிரசாரகர்..

• உடல் உறுப்புகள்: தொண்டை, தோள்பட்டை, கழுத்தெலும்பு, புஜங்கள், நரம்பு மண்டலம்.

• எதிர்மறை காரகங்கள்: சொத்து பிரிவினை, சொத்து விற்பனை, வதந்திகள், கோள் சொல்லல், மனைவி (அ) கனவனின் அந்தரங்க தொடர்புகள், மன பேதலிப்பு, திடீர் குணமாற்றம், ஆண்மையின்மை, மன குழப்பம்...

ஆகியவை மூன்றாம் பாவத்தின் முக்கிய காரகங்கள். இதன் அடிப்படையில் ஜாதகரின் மூன்றாம் பாவம் வலிமையாக இருந்தால் இதில் குறிப்பிட்டுள்ள தொழில்களில் ஈடுபட்டு நல்ல பொருள் ஈட்டலாம்.

நல்ல தொழில் திட்டங்கள், வித்தியாசமான தீர்வுகள், திறமையான படைப்புகள் ஆகியவையே மூன்றாம் பாவ தொழில்களுக்கு மூலதனம். உடல் உழைப்பு இல்லாமல், மூளையே மூலதனமாக செயல்படும். புத்திசாலி தனமாக சிந்தித்தால் பண நஷ்டம், தொழில் கஷ்டம் என்ற பேச்சுக்கே இடம் இல்லை.

மூன்றாம் பாவ பிறபாவ தொடர்பின் சிறப்பு:

3ம் பாவம்  -> 3, 7,11 ஆகிய பாவங்களை தொடர்பு பெற்றவர்களுக்கு தகவல் தொடர்பு நன்றாக இருக்கும். இவர்கள் தகவல் தொடர்பு சார்ந்த தொழிலில் ஈடுபட்டால் நல்ல லாபம் ஈட்டலாம்.

3,7,9 ஆகிய பாவங்களின் தொடர்புடைய பாவங்களின் தசா புக்திகளின் போது ஆராய்ச்சி, விளம்பரங்கள், பயணங்களின் வாயிலாக பெரும் லாபம் அடையலாம்.

3ம் பாவம் , புதன் -> 10ம் பாவம் தொடர்பு பெற்றால் ஜாதகர் தகவல் தொடர்பு சாதனங்கள், தகவல் தொழில் நுட்பங்கள் ஆகிய தொழில்களில் முதன்மையான தொழிலதிபராகவும், முன்னிலை வகிக்ககூடிய அந்தஸ்த்தையும் பெறுவார்.

3ம் பாவம் -> 1,2,4 ஆகிய பாவங்களை தொடர்பு கொண்டவர்கள் சிறந்த ஆசிரியர்கள், போதனையாளராக சேவைபுரிந்து நல்ல வருமானம் ஈட்டுவார்.

3 -> 5,6,10 ஆகிய பாவங்களை தொடர்பு கொண்டவர்கள் கலைத்துறை, ஜோதிடம், பங்கு சந்தை, விளையாட்டு மூலம் நல்ல வருமானமும், இந்த துறையில் தலைமை வகிக்கும் யோகத்தையும் பெறுவார்கள்.

3 -> 2,5 பாவ தொடர்புடையவர்கள் வங்கி சேவை, கமிஷன் ஏஜென்ட் தொழிலில் சிறப்பாக சம்பாத்தியம் பெறுவார்கள்.

இன்றை நவீன யுகத்தில், எளிமையாக, அதிக முதலீடு இல்லாமல், குறுகிய காலத்திலே ஏற்றமுடன் தொழில்புரிய மூன்றாம் பாவத்தில் உள்ள தொழில்கள் உள்ளன. மிக சுலபமாக வெற்றி அடையளாம்.

மூன்றாம் பாவ காரகத்தில் உள்ள எந்தவித பொருட் செலவும் இல்லாமல் கோடி கோடியாக சம்பாதிக்க கூடிய தொழில்களில் சிலவற்றை காணலாம்...

புதிய தொழில் நுட்பங்களில் தன் திறமைகளை மேம்படுத்திகொள்ள அனைவரும் விரும்புவர். ஆனால் இவர்களால் தொலைதூரம் சென்று வகுப்பில் கலந்துகொள்ள இயலாது. இருக்கும் இடத்தில் இருந்து வழி தேடும் போது இவர்கள் இணையதளத்தையே நாடுவர்.

இந்த உணர்வினையும், தேவைகளையும் புரிந்துகொண்ட புத்தி வலிமையுடைய மூன்றாம் பாவ ஆசிபெற்றவர்கள் ஆன்லைனில் பாடதிட்டங்கள், இணைதள தொலைதூர வகுப்புகள்,  வாட்ஸாப், சிலாக், டெலிகிராம் வாயிலாக தேசம் கடந்து போதித்து கோடிகணக்கில் சம்பாதிக்கின்றார்கள். உதாரணமாக உடுமி, டுடோரியல்பாய்ன்ட், ஸ்டேக் ஓவர்புளோ போன்ற வளைதளங்கள்.

குறைந்த முதலீட்டில் இணையதளம் மூலம் சம்பாதிப்பது எப்படி என்று தெரிந்து கொண்டால் சில ஆண்டுகளில் உங்களாலும் கோடி கோடியாய் சம்பாதிக்க முடியும்...

அதிகரித்து வரும் இணைய வளர்ச்சி இணையத்தில் பணம் சம்பாதிக்கப் பல வழிகளைத் திறந்து விட்டுள்ளது. மூன்றாம் பாவத்தின் மகிமையில் பெரும்பாலானோரின் வருமானம் இதன் வழியே தான் வருகின்றது. வேலை வாய்ப்புகளும் கொட்டிகிடகின்றது. உதாரணத்திற்கு சிலவற்றை காண்போம்.

• வலைப்பதிவு (3 -> 1, 3): வலைப்பதிவைக் கொண்டு மாதத்திற்கு 20 லட்சத்திற்கும் அதிகமாகச் சம்பாதிக்கும் ஹர்ஷ அகர்வால், ஜிதேந்திர வாஸ்வானி போன்ற இந்திய வலைப்பதிவாளர்களைப் பற்றி நீங்கள் கேள்விப்பட்டிருப்பீர்கள். இவர்களின் முதலீடு சில ஆயிரங்களே.

• ஆன்லைன் சந்தைகள் (3 -> 3, 7, 11): பிளிப்கார்ட், அமேசான்,பேடிஎம், ஸ்னாப்டீல், மின்டரா அல்லது வேறு சில முக்கிய வலைத்தள சந்தைகளை பயன்படுத்தி உங்கள் பொருட்களை சந்தை படுத்தலாம்

• பேஸ்புக், இன்ஸ்டாகிராம், டிவிட்டர் மற்றும் பிற சமூக வலைத்தளங்களில் இலவசமாக விளம்பரப்படுத்தலாம்.

• பகுதி நேர எழுத்தாளர் (3 -> 1, 3, 9) : உங்களிடம் நல்ல எழுத்து திறமையும், பொருத்தமான சொல் வல்லமையும், திறமைகளும் உள்ளதா?

• நல்லது....! உங்கள் எழுத்து படைப்புகளை நல்ல கணிசமான வருமானமாக மாற்ற வழி வகுக்கும் பல இணையதளங்கள் உள்ளன.  நீங்கள் ஒரு தரமான மற்றும் நம்பகமான உள்ளடக்கத்தை உருவாக்குபவர் என்ற நற்பெயரை உருவாக்கிவிட்டீர்களேயானால், உங்கள் வருமானம் கூரை வழியாகக் கொட்டும்.

• ஃபைவர், அப்ஒர்க், ஃப்ரீலான்சர் மற்றும் ஐரைட்டர் ஆகிய இணையதளங்கள் எழுதுவதற்கான வேலைகளைத் தரும் சிறந்த தளங்களாகும்.

• சந்தைப்படுத்தல் தொடர்பாளர்( 3 -> 3, 5, 7, 10) :  பல சிறு மற்றும் பெரும் நிறுவனங்கள் தங்கள் தயாரிப்புகளையும் வியாபாரக் குறியீட்டையும் ஊக்குவிப்பதற்காக இணைய விற்பனையாளர்களின் அவசியத்தை நாடி வருகின்றன.

• ஒரு தொடர்பாளரின் வேலை உற்பத்தி பொருட்களைப் பார்வையாளருக்குக் கொண்டு செல்வதாகும். பரிந்துரை இணைப்புகளிலிருந்து பெறப்படும் வருவாயிலிருந்து சதவீத அடிப்படையில் நன்றாக சம்பாதிக்கலாம்.

• யூட்யூப் சேனல் (3 -> 2, 3, 5): பணம் சம்பாதிக்க யூட்யூப் ஒரு புதுமையான வேடிக்கையான வழியை வழங்குகிறது. நிதியுதவி அளிக்கப்பட்ட விளம்பரங்கள், சந்தைப்படுத்தும் தொடர்பு மற்றும் விளம்பரங்கள் மூலம் யூடியூப் வழியாக நீங்கள் பெருமளவு பணம் சம்பாதிக்கலாம்.

• விளம்பரங்களைச் சொடுக்குதல் மற்றும் கருத்தாய்வு செய்தல்           (3 -> 2, 3, 7, 11): இதை விட எளிமையான இணைய வேலை வேறொன்று இல்லை. இதன் பெயர் குறிப்பிடுவதைப் போல இந்த வேலை அடிப்படையில் சில நிதி ஊக்கத்தொகைகளைப் பெறும் நோக்கத்துடன் விளம்பரங்களைப் பார்த்தல் மற்றும் சொடுக்குதல் போன்ற வேலைகளாகும். நியோபக்ஸ், பெய்ட்வெர்ட்ஸ் மற்றும் க்ளிக்சென்ஸ் போன்ற சொடுக்கினால் பணம் செலுத்தும் தளங்களில் உள்நுழைவதன் மூலம் கணிசமான வருமானத்தைப் பெறலாம்.  

• சர்வே டவுன்லைன், இன்பாக்ஸ் டாலர்ஸ், மற்றும் ஸ்வாக்பக்ஸ் போன்ற பணம் செலுத்தும் கருத்தாய்வு வேலைகள் வலைத்தளங்களில் ஏராளமான வாய்ப்புகள் கொட்டிக் கிடக்கின்றன.இதர பணம் ஈட்டும் வளாகங்களில் சிறப்புச் சலுகைகள் மற்றும் பணிகளின் வடிவில் வாய்ப்புகளை உள்ளடக்கி இருக்கின்றன.

• 3 - > 2,3,5,7,11 : கடந்துபோன தருணங்களுக்கு நம்மை அழைத்துச் செல்லும் வல்லமை ஒளிப்படங்களுக்கு உண்டு. பல்கிப் பெருகிவிட்ட ஸ்மார்ட் போன் பயன்பாட்டால் பலரும் ஒளிப்படக் கலைஞர்களாக மாறுவதில் வியப்பில்லை. ஆனால், திருமணங்கள், வளைகாப்பு, பிறந்தநாள், கிரகப்பிரவேசம் உள்ளிட்ட முக்கிய வீட்டு நிகழ்ச்சிகளுக்கும் பொது விழாக்களுக்கும் தொழில்முறை ஒளிப்படக் கலைஞர்களைத்தான் பலரும் நாடுகின்றனர்.

• படம் பிடிப்பதில் மட்டுமல்ல; அவற்றை நேர்த்தியாக வடிவமைப்பதிலும் ஒளிப்படங்களின் மகத்துவம் அடங்கியிருக்கிறது. தொழில்நுட்ப காரகங்கள் அனைத்தும் மூன்றாம் பாவத்தின் உபயமே.

இதுமட்டுமா..?

மாற்றம் ஒன்றே நிரந்தரம் என்ற காரகத்தால் மூன்றாம் பாவ தொழில்கள் ஒரு குறிகிய பட்டியலில் அடைக்க இயலாது. மூன்றாம் பாவம் எல்லையற்று விரிந்து பல தொழில் வாய்ப்புகளை தன்னகத்தே கொண்டுள்ளது.

டாலரில் கொட்டும் வருமானம் 3ம் பாவ அற்புதம் படைக்கும் என்பதை இப்போது நம்புவீர்கள்.

குபேர வாழ்க்கைக்கு மூளையே மூலதனம் அதுவே 3ம் பாவத்தின் யோகபலம்...! கோடிஸ்வர  வாழ்க்கைக்கு பணம் ஒரு தடையில்லை...

3ம் பாவயோகத்திற்கு மூளையே மூலதனம் என்பதை புரிந்திருப்பீர்கள்.

மூன்றாம் பாவத்தின் மகிமையை உணர்ந்தால் அனைவரும் கோடிஸ்வர்களே!

இதுவரை பொறுமையாக படித்தறிந்த உங்களுக்கு எனது பணிவான நன்றியை தெறிவித்து கொள்கின்றேன்.

எமது குருநாதர், சார ஜோதிட சக்ரவர்த்தி, உயர்திரு. A. தேவராஜ்  அவர்களின் நல்லாசியுடன்.

திலக். ஜெ. பாலமுருகன் M.C.A., M.Sc (Yoga)
Advanced KP Stellar Astrologer,
Member, All India Stellar Astrologer Association - Chennai | India.
+91-8825518634 

Read More

அரசியல் எனக்கு ஒத்து வருமா? தலைவனாக்குமா தலையெழுத்து?-பாகம் 4-செவ்வாய் தசை

உச்சிஷ்ட  மகாகணபதி போற்றி...!!!

அனைவருக்கும் வணக்கம்.

ஜோதிடம் என்பது ஒரு உயர்தரமான விஞ்ஞானம். வேதங்கள் எவ்வளவு பழமையானதோ அவ்வளவு பழமையானது அது. சூரியனை மைமாக வைத்து அனைத்து கோள்களும் நட்சத்திரங்களின் சாரத்தின் ஊடாக பெயர்கின்றன. தன் இயக்க நிலைகளுக்கு ஏற்ப கதிர்வீச்சுகளை வெளிபடுத்துகின்றன.

Previous Post 

• அரசியல் எனக்கு ஒத்துவருமா.. தலைவனாக்குமா தலையெழுத்து? - Part 1
• அரசியல் எனக்கு ஒத்துவருமா.. தலைவனாக்குமா தலையெழுத்து? - பாகம் 2
• அரசியல் எனக்கு ஒத்து வருமா? தலைவனாக்குமா தலையெழுத்து?? பாகம் - 3

அண்ட வெளியில் உள்ள கிரகங்களின் கதிர்வீச்சு தன்மையினால், பூமியில் உள்ள ஜீவராசிகளின் மீது அதன் தாக்கம் பதிகின்றது. இதன் தொடர்பால்  மனிதர்களின் வாழ்வில் நிகழும் அனைத்து நிகழ்வுகளுக்கும் தொடர்புடையதாய் கிரகங்கள் மற்றும்  நட்சத்திரங்கள் ஆதாரமாக இருக்கின்றன.

நன்றாக வரையறுக்கப்பட்ட ஒரு நியதிப்படி முழு உலகமும் நடத்தப்படுகின்றன. தற்செயலாக எதுவும் நிகழ்ந்துவிடுவதில்லை..!

கிரகங்களின் மாறும் இயக்க நிலையை உப நட்சத்திர கோட்பாட்டை அடிப்படையாக கொண்டு மிக துல்லியமாக சார ஜோதிட (KP Stellar Astrology) ரீதியில் அளவிடுவதில் தான் உள்ளது இவ்விஞ்ஞானத்தின் சிறப்பு.

ஜோதிடமானது காரியத்தையும் காரணத்தையும் கிரகங்களின் செயல்தன்மைக்கு ஏற்ப, மனிதர்களுக்கான நிகழ்வுகளின் தன்மை அமையும் என்பதை விளக்கவே முற்படுகின்து,  எனவேதான் சார ஜோதிடம் என்பது "தெய்வீக விஞ்ஞானமாக" வராஹிமிகராலும் மற்றும் நமது முன்னோர்களாலும் நம்பிக்கையுடன் தெய்வ கலையாக வளர்க்கப்பட்டு வந்துள்ளது என்றால் அது மிகை ஆகாது.

மனிதர்களுக்கு நிகழும் அனைத்து யோக, அவயோக பலன்கள் கிரகங்களால் வகுகக்கபட்ட நியதிபடியே நிகழும். இது ஒருபோதும் யாருக்காகவும் மாறாது. இதை தான் விதி என்று கூறுவார்கள்.

ஊழிற் பெருவலி யாவுள மற்றொன்று

சூழினுந் தான்முந் துறும்.    - குறள் 380

விதியைவிட வலிமையானது வேறெதுவும் இல்லை. வேறு ஏதேனும் சூழ்ந்து வந்தாலும் அங்கு விதியே முந்திக்கொண்டு வரும் என்று வள்ளுவர் ஊழ் என்ற அதிகாரத்தில் கூறியிருப்பார்.

ஒருவனுக்கு பொருள் சேர வேண்டும் என்ற விதி இருந்தால், விதி அவனிடம் முயற்சியை உண்டாக்கி செல்வம் சேர்க்க வழி வகுத்துவிடும் மாறாக செல்வம் அழியும் விதி இருந்தால் சோம்பலை உருவாக்கி தரித்திரத்தை ஏற்படுத்திவிடும்.

ஒருவன் அனுபவிக்கும் யோகம் விதியில் இல்லை என்றால் கோடி கோடியாய் பணம் இருந்தும் அவற்றை அனுபவிக்க இயலாமல் நோயையோ, தீராத பிரச்சனைகளையோ அல்லது அற்ப ஆயுளையோ இன்னும் பல அவ யோகங்களை தந்து சுபயோக பலனை அனுபவிக்க முடியாமல் தடுத்துவிடும்.

கல்வி, புகழ், செல்வம், கீர்த்தி, பாசமான மனைவி (அ) கனவன், குடும்பம், நன்மக்கள், விசுவாசமான நண்பர்கள், வித்தைகள், ஆரோக்கியம், கவலையில்லா வாழ்க்கை, நல்ல உத்தியோகம், பட்டம், பதவி போன்றவை கிரகங்களின் ஆசியின்றி எவருக்கும் கிடைப்பது இல்லை.

ஒரு மனிதனின் விதி என்பது இந்த பிறவியில் அவனுக்கு வழங்கியுள்ள முழு பலாபலன்களை குறிப்பிடுவதாகும். அவன் ஆற்றிய முந்தைய பிறவியின் கரும வினைக்கு தகுந்தாற்போல், இப்பிறவியில் அனுபவிக்க கூடிய சுப யோகங்கள், அவயோகங்கள் மூலம் நன்மை தீமைகளை வாழ்க்கை நிகழ்வுகளால் தக்க காலத்தில் தசாபுக்திகள் மூலம் விதி கொடுப்பினையை கிரகங்களால் வழங்கபடுகின்றன.

இந்த உலக வாழ்க்கையின் நிலையை சரியாக உணர்ந்து கொள்வதற்கு சார ஜோதிட சாஸ்த்திரம் ஒரு மாபெரும் கருவியாக பயன்படுகின்றது. 

கிரகங்கள் தன் கடமையை செய்தே தீரும்:

விதியின் அபார சக்தி! 

இந்த விதி சிலருக்கு  தன் உழைப்பால் மட்டுமே அனைத்தும் கிடைத்தன என்ற மாயப் போர்வையிலும், சிலர்ருக்கு 'மதி' என்ற போர்வையிலும் ஆட்டிப் படைக்கின்றது. சரியான காலம் வரும் போது, இந்த உலக இன்ப, துன்பங்கள் யாவும் நவகிரக சக்தியால் உருவாகி வருகிறது என்பதை உணர்கின்றனர்.

அரசியல் ஒரு சதுரங்க ஆட்டம்

வாழ்க்கை என்பதே ஒன்றை விட்டு ஒன்றை பிடிக்க முயன்று எல்லாவற்றையும் கோட்டை விடுவதே என்பார் கண்ணதாசன்.

அரசியலின் ஆழம் அறியாமல், தனக்கான விதிபலனையும் தெரிந்துகொள்ளாமல், ஆர்வத்தில் அரசியல் வாழ்வை சுட்டு கொண்டவர்கள் தன் இயலாமையை மறைப்பதற்கு பிதற்றும் ஒரு சாக்கு... "அரசியல் என்பது ஒரு சாக்கடை....!"

இது அறியாமையில் உழலும் பெரும்பாலோரின் என்னம்.. ஆனால் அது உண்மை இல்லை. அரசியல் என்பது ஒரு சதுரங்க ஆட்டம். இங்கு நல்லவன் என்பதைவிட வல்லவனுக்கு தான் பிரகாசமான எதிர்காலம் அமையும்.

மக்கள் போற்றும் அரயசில் தலைவன்

பணபலம், ஆள்பலம், அரசியல் குடும்ப பின்னணி, அரசியல் அடையாள வாரிசு, மக்களின் ஆதரவு போன்ற பல காரணிகள் தேர்தல் வெற்றியை நிர்ணயிக்கின்றன. இவை அனைத்தும் ஒருவருக்கு வாய்க்க பெற்றாலும் கிரகங்களின் நல்லாசி பெற்றவர்களாக இருந்தால் மட்டுமே மக்கள் போற்றும் அரயசில் தலைவனாக நீடித்து ஆட்சி கட்டிலில் அமர முடியும்.

சாமானியனையும் உச்சானி கொம்பில் ஏற்றி வைப்பதும், சக்ரவர்த்தியையும் அதாலபாதாளத்திற் தள்ளிவிடுவதும் நவகோள்களின் நாட்டியமே.

இதை அறியாமல் மற்றவர்களை பார்த்து அதே நிலைக்கு தானும் வந்துவிட வேண்டும் என முனைபவர்களின் நிலை "புலியை பார்த்து பூனை சூடுபோட்ட" கதை போல் ஆகிவிடும்.

ஜாதகத்தில் விதிபலன் கைகொடுக்கவில்லை என்றால் நிச்சயம் அது நிராசையாகவே முடியும். ஆசையில் வளர்ந்த எண்ணங்கள் அனைத்தும் காணல் நீர்போல் ஆகிவிடும்.

அரசியலுக்கு(Politics) ஒருவர் வரவேண்டும் என்றால் ஜாதகத்தில் உள்ள கிரகங்களின் பலன்களை நன்கு அறிந்து நுழைய வேண்டும்.

தன் ஜாதகம் அரசியலுக்கு ஏற்ற யோக ஜாதம்தானா என்று தீர ஆராய்ந்து அதன்படி செயல்படுவது தான் புத்திசாலி தனம்.

கிரங்கள் ஒருபோதும் ஒருவருக்கு விதிக்கபட்ட விதியை மீறி செயல்படாது.

இதை எந்த பரிகாரத்தாலும் தீர்த்துவிட இயலாது.

அழுது புரண்டாலும்  கிரகங்கள்  கருணை காட்டுவது இல்லை. "கிரகங்கள் தன் கடமையை செய்தே தீரும்".

அரசியலுக்கான அடிப்படை கிரக அமைப்புகள் எவ்வாறு அமைய வேண்டும் என்பதை பற்றி மிக விரிவாக இங்கு படித்து அறியலாம்.

விதிபடி யோக பலன்களை நிகழ்த்துவது தசாபுக்திகள்.

அரசியல் ஜாதகம்

அரசியல் யோகமுடைய உதாரண ஜாதகமாக, இந்திய தேசத்தின், அரசியல் தலைவர்களால், பிரமிப்புடன் பார்க்கபட்ட, அரசியல் ஆளுமையில் சிகரம் கண்ட, சாதனை பெண்மணி, மறைந்த முன்னால் மாண்புமிகு  முதல் அமைச்சர். J. ஜெயலலிதா அவர்களின் ஜாதகத்தில் "அரசியலுக்கான கிரக அமைவுகள், சாதகமான தசாபுக்திகளை" ஆய்வு செய்து வருகின்றோம்.

சார ஜோதிட முறையில், ஆளும் கிரங்களின் நிலை கொண்டு துல்லியமாக கணிக்கபட்ட, ஜெயலலிதா அம்மையாரின் ஜாதகம் இங்கு  காணலாம்.

"அரசியல் எனக்கு ஒத்து வருமா? தலைவனாக்குமா தலையெழுத்து??" என்ற தலைப்பில் அரசியல் யோகம் பற்றி தொடர் பதிவுகளாக நமது  சாரஜோதிட விழிப்புணர்வு கட்டுரைகளை படித்து வருகின்றீர்கள்.

முந்தைய  பதிவுகளை, இதுவரை படித்திராதவர்கள்,  இந்த லிங்கை கிலிக் செய்யவும்.

பாகம் 1 : அரசியல் ஈடுபாட்டிற்கான ஜாதகத்தில்

• முக்கிய கிரக அமைப்புகள்
• பாவ முனை தொடர்புகள்
• கிரக காரகங்கள், பாவ காரகங்கள்
• அரசியலுக்கான அடிப்படை விதிகள் 

ஆகியவற்றை விளக்கமாக பார்த்தோம்.

பாகம் 2:  இரண்டாவது மற்றும் மூன்றாவது பதிவில் ஜெயலலிதா அம்மையாரின் ஜாதகத்தில், தசா புக்திகளை கொண்டு அவர் வாழ்நாளில் கிரகங்கள் நிகழ்த்திய சினிமா மற்றும் அரசியலுக்கான சுப மற்றும் அசுப யோக பலன்களை, தசா புக்தி வாரியாக மிக துல்லியமாக கேது தசை தொடங்கி சூரிய தசை மற்றும் சந்திர தசை வரை ஆய்வு செய்தோம்.

சந்திர தசை அரசியலுக்கு யோகமாக அமைந்ததா? இல்லையா? என்பதை ஒவ்வொரு புக்தி வாரியாக நிகழ்ந்த சம்பங்களை விதி கொடுப்பினையுடன் தொடர்புபடுத்தி மிக துல்லியமாக, கிரக விரிவுகளுடன்(Planet Extension) ஆய்வு செய்தோம்.

அதன் தொடர்ச்சியாக அசாத்திய ஆளுமையை  அளிக்கும் செவ்வாய் தசை அம்மா அவர்களை அல்லல்படுத்தி அரசியல் அசையை நிராசை ஆக்கியதா? அல்லது முதல்வர் நாற்காலியில் அமர வைத்ததா...?  அதற்கான ஆய்வை இந்த பதிவில் காண்போம்.

தாசா நாதன், புக்தி நாதர்கள், அந்தர நாதர்கள் மற்றும் சூட்சம நாதர்கள் ஆகியோர் தான் தொடர்புகொண்ட பாவங்களின் வழியே நிகழ்த்திய பலன்கள் அரசியலுக்கு யோகமாக அமைந்ததா? என்பதை இனி காண்போம்.

செவ்வாய் தசை:

காலபுருசனின் லக்னமும் பூமியை ஒத்த காரகத்துவமும் கொண்ட செவ்வாய், குஜன், மங்கள காரகன், பூமி காரகன், சேனாதிபதி என்று பல பெயர்களில் அழைக்கபடுகிறார் . குஜன் என்றால் சமஸ்கிருதத்தில் "பூமியின் மகன்" (அ) "நிலமகன்" என பொருள்.

செவ்வாய் முழுமையான ஒரு ஆண் கிரகம். இவர் மேஷம் மற்றும் விருச்சகம் ஆகிய ராசிகளுக்கு அதிபதி ஆவார்.

செவ்வாய் தசை 7வருடம் ஜாதகருக்கு நடைபெறும்.

இவர் ஒரு இயற்கை அசுபர்.

செவ்வாய், தான் அமர்ந்த நட்சத்திரம் மற்றும் உப நட்சத்திரங்களின் பாவ தொடர்புகளின் ஊடாக, தன் தசையில் பலன்களை ஜாதகருக்கு வழங்குவார்.

செவ்வாயின் காரகங்கள் சகோதர காரகன், ஆதிக்க பண்பு, ஆளுமை, சேனாதிபதி, காவல் துறை, ராணுவம், மனவலிமை, வீரம், அசட்டு துணிச்சல், தழும்பு, மூர்க்க தனம், கோபம், ஆத்திர அவசரம், கூர்மையான ஆயுதம், மன உளைச்சல், அதீத காம உணர்ச்சி, அரசாங்க பதவி, கட்டுமானம், பொறியியல் துறை, உடலில் உள்ள தசை, கட்டு மஸ்தான உடல் வாகு, வெட்டு காயங்கள், களத்திரகாரகன் (பெண்களுக்கு), கருவிகள் போன்றவை செவ்வாயின் காரகங்களாகும்.

ஒருவருக்கு நிகழும் தசையில் கிரகங்களின் காரகங்களுக்கு ஏற்ப தசையின் செயல்பாடு நிகழும். அதே போல் செவ்வாய் தசையில் மேற்குறிப்பிட்டுள்ள காரகத்துவங்கள் தொடர்பு கொண்ட பாவ ரீதியாக வெளிபடும்.

செவ்வாய் தசையில் ஜாதகருக்கு உத்தம மனைவியும், வீர தீர பராக்கிரமம் வாய்ந்த மக்களும், நன்மைகளும், மங்களச் செயல்களில் வெற்றியும், ஆடை ஆபரண இலாபங்களும், உடன் பிறந்தவர்களால் நன்மையும் செவ்வாய் தான் கொண்ட தொடர்புகள் சுப பாவமுனைகளாக இருந்தால் யோக பலனை வழங்கிவிடும்.

மாறாக தீய ஸ்தானங்களை (8,12) தொடர்புகொண்டு தசை நடத்தினால் மேற்குறிப்பிட்ட பலன் கிடைக்காமல் செய்துவிடும். முன் தசையில் நல்ல யோகத்தில் அவைகள் கிடைத்திருந்தால் தன் தசையில் இழக்க வைத்திடும்.

அரச தண்டணை, ஆயுதத்தால் பீடை, எதிரிகளால் தொல்லை, தனச்சேதம், சூனிய தொல்லை, பகை வந்து அள்ளல் படுத்தும், நோய் பீடிக்கும், சுர தோஷம், வாதபீடை, நெருப்பினால் கண்டம், தரங்கெட்டு நடத்தல், ரோக பயம், பங்காளி சண்டை, பூவையரும் புத்திரரும் மரணம் அடைதல், எடுத்த காரியங்கள் தோல்வியில் முடியும், ஈன ஸ்திரீ போகம் ஏற்பட்டு நோயில் வீழ்வான், சிறைவாசம், கெட்ட வழியில் செல்வம் சேர்த்து அரச தண்டணைக்கு உள்ளாகுதல், விபத்தில் சிக்குதல் இப்படி பல அசுப யோகபலனை செவ்வாய் தன் தசையில் அனுபவிக்க வைத்திடுவார்.

செவ்வாய் தசை ராஜ யோகங்களை ஜெயலலிதா அம்மையாருக்கு வழங்கியதா?

செவ்வாய் தசை 30/08/1987 - 30/08/1994  (39வ 6மா 6நா - 46வ 6மா 6நா)

ஜெயலலிதா அம்மையார் அவர்களின் ஜாதகத்தில் செவ்வாய் வக்கிர கதியில் இரண்டாம் பாவமுனையில் சிம்ம இராசியில் சரியாக 02° 10' 19'' விகலையில் சனி(வ) மற்றும் சந்திரனுடன் இணைந்து மகம் 1ம் பாதத்தில் அமர்ந்துள்ளது.

கேதுவின் நட்சத்திரத்திலும், சுக்ரன் உப.நட், குரு உ.உப நட், ராகு உ.உ.உப நட்சத்திரத்தில் சாரம் வாங்கி 1,5,11ம் பாவங்களை தொடர்பு கொண்டுள்ளது. இது ஒரு நல்ல தொடர்பு. இந்த தொடர்புகள் இறைகொடுப்பினையை முழுமையாக தந்து பூரண சந்தோஷத்தை அனுபவிக்க வைக்கும்.

இந்த தசையில் லக்ன பாவம்(1), பூர்வ புண்ணியம்(5), எல்லாவற்றிலும் திருப்தியான நிலை என்னும் 11ம் பாவங்கள் வலிமையாக மூலபாவங்களாக அமைவதால் செவ்வாய் தசை கெடுபலனிற்கு மாறாக அனைத்திலும் வெற்றி அடைய வைத்திடும் யோக பலனை அளித்திடும். எதிரிகளும் நண்பர்களாவார்கள்.

செவ்வாய் புக்தி 30/08/1987 - 26/01/1988

எம்.ஜி.ஆர். அவர்கள் 1987 டிசம்பரில் மரணமடைந்ததும்
ஜானகி அம்மையாரின் ஆதரவாளர்களால் ஜெயலலிதா அம்மையார் அவமான படுத்தபட்டார்.

அரசியலைவிட்டே ஓடவிட வேண்டும் என்று அ.இ.அ.தி.மு.க மூத்த நிர்வாகிகள் ஆர்.எம். வீரப்பன் போன்ற மூத்த தலைவர்கள் உட்பட இந்த சதிக்கு உடந்தையாக இருந்தார்கள்.

ஜெயலலிதா அம்மையாரின் தலைமையிலும் மறைந்த எம்.ஜி.ஆரின் மனைவியான வி.என். ஜானகியின் தலைமையிலுமாக அ.இ.அ.தி.மு.க. இரண்டாகப் பிளவுபட்டது.

யாருக்காவது குழிதோண்டப் போகிறாயா? இரண்டாகத் தோண்டு. உனக்கும் சேர்த்து. என்பது போல் ஜெயலலிதா அம்மையாரை வீழ்த்த நினைத்த ஜானகி அணி அடுத்த சில நாட்களிலே ஆட்சியை பரிகொடுத்து படுகுழியில் வீழ்ந்தது.

ஆர்.எம். வீரப்பன் போன்ற மூத்த தலைவர்கள் தன் பக்கம் இருந்த நிலையில், 1988 ஜனவரி 7ஆம் தேதி புதிய முதல்வராக பதவியேற்றார் வி.என். ஜானகி. 234 உறுப்பினர்களைக் கொண்ட சட்டப்பேரவையில், அவருக்கு 97 உறுப்பினர்களின் ஆதரவு இருந்தது. ஆனால் நம்பிக்கை வாக்கெடுப்பில் முறைகேடுகள் நடந்ததாகக் கூறப்பட்ட நிலையில், மத்திய அரசு ஜானகி தலைமையிலான மாநில அரசைக் கலைத்து தேர்தலை அறிவித்தது.

செவ்வாய் தசை - குரு புக்தியில் முழு அரசியலில் காலூன்றிய ஜெயலலிதா அம்மையார் ஆவேசம் குறையாமல் 1989ல் நடந்த இந்தத் தேர்தலில் அ.தி.மு.க. இரு பிரிவுகளாக பிரிந்து போட்டியிட்டது. 

இரட்டை இலைச் சின்னம் முடக்கப்பட்டுவிட்ட நிலையில், ஜெயலலிதாவின் பிரிவு சேவல் சின்னத்திலும் ஜானகியின் பிரிவு இரட்டைப் புறா சின்னத்திலும் போட்டியிட்டது.

தோல்வியின் அடையாளம் தயக்கம்!வெற்றியின் அடையாளம் துணிச்சல்!துணிந்தவர் தோற்றதில்லை!!தயங்கியவர் வென்றதில்லை!!

என்ற ஓஷோவின் தன்னம்பிக்கை வரிகளுக்கேற்ப இந்தத் தேர்தலில் தி.மு.க. ஆட்சியைக் கைப்பற்ற, ஜெயலலிதா பிரிவு 27 இடங்களில் வெற்றிபெற்றது. 

மின்மினிப் பூச்சி எவ்வளவு ஒளியுடன் திகழ்ந்தாலும் அது தீ ஆகாது என்பது சாணக்கியர் போதனை.

என்னதான் எம்.ஜி.ஆரின் மனைவி, கட்சியின் மூத்த நிர்வாகிககளின் ஆதரவு, பணபலம் என்ற அடையாளம் இருந்தாலும்   ஜானகி அம்மையாருக்கு அரசாளும் யோகம் விதிபடி இல்லை. கிரகங்களின் ஆசியின்றி எதும் நிகழ்ந்துவிடாது என்பதற்கு இது ஒரு நற்சான்று.

ஜானகி அணி வெறும் இரண்டு இடங்களையே கைப்பற்றியது. ஆண்டிப்பட்டியில் போட்டியிட்ட ஜானகி அணி தோற்றுவிடட்டது.

போடிநாயக்கனூர் தொகுதியில் போட்டியிட்ட ஜெயலலிதா அம்மையார் வெற்றிபெற்றார்.

அந்தத் தேர்தலில் தி.மு.க. ஆட்சியைப் பிடித்துவிட்டாலும், அ.தி.மு.கவை ஒன்றாக்கி இரட்டை இலைச் சின்னத்தை மீட்டார் ஜெயலலிதா. தமிழகத்தின் முதல் பெண் எதிர்க்கட்சித் தலைவர் என்ற பெருமையுடன் அவர் பதவியேற்றார்.

இந்த அசாத்திய நிகழ்வுகளுக்கு செவ்வாய் தசை பக்கபலமாக அமைந்ததை நன்கு உணரமுடிகின்றது.

செவ்வாய்(1,5,11) தசை - குரு(1,5,9,11) புக்தி - குரு அந்திரம் - ராகு(8,11) சூட்சமத்தில்,1989 மார்ச் 25ஆம் தேதி தி.மு.க முதல்வர் நிதிநிலை அறிக்கையை வாசிக்கும்போது ஏற்பட்ட மோதலில், தன் மீது தாக்குதல் நடத்தப்பட்டதாக ஜெயலலிதா குற்றம் சாட்டினார். 

அந்த அவையில் தனக்குப் பாதுகாப்பு இல்லை என்றும் முதலமைச்சராகத்தான் மீண்டும் அந்த அவைக்குள் நுழைவேன் என்றும் கூறினார். இரண்டு ஆண்டுகளில் தி.மு.க. ஆட்சி கலைக்கப்பட்டுவிட, அடுத்து நடந்த தேர்தலை துணிவுடன் எதிர்கொண்டார்.

"பயிற்சி - தந்திரம் - துணிவு இந்த மூன்றும் ஒரு படையணிக்கு அமையப் பெறுமாயின் வெற்றி நிச்சயம்". இந்த வரிகள் போர்கள வெற்றிக்கு மட்டும் இல்லை அரசியல் களத்தில் போட்டியிடும் தலைவர்களுக்கும் தான்.

செவ்வாய்(1,5,11) தசை - புதன்(1,11) புக்தி - சுக்கிர (1,7,11) அந்தரம் - குரு (1,5,9,11) சூட்சமத்தில், 1991ஆம் வருட சட்டமன்றத் தேர்தலில் காங்கிரஸ் கட்சியுடன் கூட்டணி அமைத்து, அந்த சபதத்தை நிறைவேற்றினார் ஜெயலலிதா.

இந்த காலகட்டத்தில் நடந்த புதன் புக்தி மூலபாவத்திற்கு சாதகமாக செயல்பட்டு மாபெரும் வெற்றியை ஈட்டு தந்துள்ளது.

தமிழக அரசியல் வரலாற்றில் வெற்றிகளை மட்டுமல்லாது மிகப்பெரிய தோல்விகளையும் எதிர்கொண்டவர் ஜெயலலிதா அம்மையார்.

ஜெயலலிதா அம்மையார் அவர்கள் பல சோதனைகளைக் கடந்து சவால்களை துணிவுடன் சந்திக்க செவ்வாய்  தசை பெரிதும் உதவியது,  அரச பதவியில் அமர வைத்து அழகு பார்த்தது.

செவ்வாய் ஒரு தீய கிரகம் என்றாலும், தான் நின்ற சாரத்தால் சுபத்துவம் அடைந்து தன் தசையில் ஜெயலலிதா அம்மையாருக்கு ராஜ யோகத்தையே கொடுத்தார்.

அதன் பிறகு காலமும் சற்று அசைத்து பார்த்தது அவரின் பிரகாசமான அரசியல் வாழ்வை வீழ்த்திட. தான் ஒரு அசைக்க முடியாத பெண் சக்தி, பேரரசை நிர்வகிக்கும் ராஜராணி என்ற பிம்பத்தை மனதில் திரும்ப திரும்ப பதியவைத்தவர்.

இந்திய அரசியல் வரலாற்றில் முக்கியத்துவம் பெற்ற பல வழக்குகளில், தான் முதல்வராக இருந்த காலத்திலும் நீதிமன்ற படிகளில் தடம் பதித்து தன் பதவியை இழந்து, சிறைவாசத்தை அனுபவித்து, மீண்டும் முதல்வர் பதவியை அடைய பல சோதனைகளை அடுத்து வந்த ராகு தசையில் சந்தித்தார். அரசியல் வாழ்வையே புரட்டி போட்டது ராகு தசை.

மேலும் இதை பற்றிய விரிவான சார ஜோதிட ஆய்வு தகவல்களை அடுத்து வரும் தொடர் பதிவுகளில் விரிவாக காணலாம்.

இதுவரை பொறுமையாக படித்தறிந்த உங்களுக்கு எனது பணிவான நன்றியை தெறிவித்து கொள்கின்றேன்.

எமது குருநாதர், சார ஜோதிட சக்ரவர்த்தி, உயர்திரு. A. தேவராஜ் ஐயா அவர்களின் நல்லாசியுடன்...

திலக். ஜெ. பாலமுருகன் M.C.A.,
Advanced KP Stellar Astrologer,
Member, All India Stellar Astrologer Association - Chennai | India.
+91-9940137099 | 8825518634  Jbm2k07@gmail.com

Related Post:

• அரசியல் எனக்கு ஒத்துவருமா.. தலைவனாக்குமா தலையெழுத்து? - Part 1

• அரசியல் எனக்கு ஒத்துவருமா.. தலைவனாக்குமா தலையெழுத்து? - பாகம் 2

• அரசியல் எனக்கு ஒத்து வருமா? தலைவனாக்குமா தலையெழுத்து?? பாகம் - 3

Read More

அரசியல் எனக்கு ஒத்து வருமா? தலைவனாக்குமா தலையெழுத்து?? - பாகம் - 3

உச்சிஷ்ட மஹா கணபதி போற்றி...!

அனைவருக்கும் வணக்கம்.

"அரசியல் எனக்கு ஒத்து வருமா? தலைவனாக்குமா தலையெழுத்து??" என்ற தலைப்பில் அரசியல் யோகம் பற்றி தொடர் பதிவுகளாக படித்து வருகின்றீர்கள்.

முந்தைய  பதிவுகளை, இதுவரை படித்திராதவர்கள்,  இந்த லிங்கை கிலிக் செய்யவும்.

1. அரசியல் எனக்கு ஒத்து வருமா? தலைவனாக்குமா தலையெழுத்து? - பாகம் 1
2. அரசியல் எனக்கு ஒத்து வருமா? தலைவனாக்குமா தலையெழுத்து? - பாகம் 2

உதாரண ஜாதகமாக, இந்திய அரசியலில் பிரமிப்புடன் பார்க்கபட்ட, அரசியல் ஆளுமையில் சிகரம் கண்ட, மறைந்த முன்னால்,  மாண்புமிகு  முதல் அமைச்சர். J. ஜெயலலிதா அவர்களின் ஜாதகத்தை ஆய்வு செய்து வருகின்றோம்.

முதல் பதிவில் அரசியல் ஈடுபாட்டிற்கான ஜாதகத்தில்

• முக்கிய கிரக அமைப்புகள்
• பாவ முனை தொடர்புகள்
• கிரக காரகங்கள், பாவ காரகங்கள்
• அரசியலுக்கான அடிப்படை விதிகள் 

ஆகியவற்றை விளக்கமாக பார்த்தோம்.

இரண்டாவது பதிவில் ஜெயலலிதா அம்மையாரின் ஜாதகத்தில், தசா புக்திகளை கொண்டு அவர் வாழ்நாளில் கிரகங்கள் நிகழ்த்திய சினிமா மற்றும் அரசியலுக்கான சுப மற்றும் அசுப யோக பலன்களை, தசா புக்தி வாரியாக மிக துல்லியமாக கேது தசை தொடங்கி சூரிய தசை வரை ஆய்வு செய்தோம்.

சந்திர தசை அரசியலுக்கு யோகமாக அமைந்ததா? வாருங்கள் இந்த பதிவில் விரிவாக அலசுவோம்!

சந்திர தசை 30/08/1977 - 30/08/1987

சந்திர தசை 10 வருடம். 29வ 6மா 6நாள் தொடங்கி 39வ 6மா 6நா முடிய.

சந்திர தசை 2,6,8,10 ஆகிய பாவ காரகங்களை மூல பாவமாக ஏற்று தசையை நடத்தியுள்ளது.

ஜெயலலிதா அம்மையார் அவர்களின் வாழ்வில் சந்திர திசை காலகட்டம் பல திருப்பு முனைகளை தந்துள்ளது.

இந்த பதிவில் சந்திர தசையில், சந்திர புக்தியில் இருந்து ஆய்வை தொடங்குவோம்.

அரசியலில் தனக்கு சிறு வயது முதலே ஆர்வம் இருந்ததாக அவர் அளித்த பேட்டியில் கூறியுள்ளார், "அரசியலில் தீவிரமாக இறங்கி, பெரிய அரசியல்வாதியாக வேண்டுமென்ற ஆசை சிறு வயது முதலே இருந்தது. ஒருவேளை, நான் சினிமாவுக்கு வராமல் இருந்திருந்தால்... இன்று தேர்தலுக்காக எங்காவது பேசி வெளுத்து வாங்கி கொண்டிருப்பேன்" என்றுள்ளார். 

உள்ளூர் அரசியல் மட்டுமல்ல, உலக அரசியல நிலவரங்களையும் தொடக்கம் முதலே கூர்ந்து கவனித்தவர்; ஜெயலலிதாவிடம் அயர்லாந்து தேர்தல் பற்றியும் உரையாடலாம். மாசேதுங் பற்றியும் விவாதிக்கலாம்" என்கிறார், 1970-களில் ஜெயலலிதா அம்யாரை அதிகமுறை பேட்டி கண்ட திரைஞானி.

இந்த உலக வாழ்க்கையில் மனிதனின் வாழ்க்கைநிலையை சரியாக உணர்ந்து, கர்ம பதிவினால் இப்பிறவியில் செயலாற்றக்கூடிய வினை பயனை ஜோதிட சாஸ்த்திரம் கொண்டு தெளிவாக அறியாலாம்.

ஜெயலலிதா அம்மையார் அவர்களின் அரசியல் ஈடுபாட்டிற்கான  விதி கொடுப்பினையை அவர் ஜாதகத்தில் காணும் போது...

ஒரு சம்பவத்தின் அனைத்து நிகழ்வுகளும் அதன் பாவமுனைகளிலே நிச்சயிக்கபடுகின்றன என்பது சார ஜோதிடத்தின் முதன்மையான விதி.

அந்த வகையில் அரசியல் ஈடுபாட்டிற்கான காரணங்களை 5ம் பாவமுனையை ஆராயும் போது, ஜெயலலிதா அம்மையார் ஜாதகத்தில் அரசியல் ஆர்வம் தரும் பூர்வ புண்ணிய ஸ்தானம் என்னும் 5ம் பாவமுனை துலாத்தில் 14° 57' 18" தொடங்கி விருச்சிகத்தில் 16° 36' 47" வரை.

5ம் பாவமுனை சுவாதி 3ம் பாதத்தில் ராகு நட்சத்திரத்தில்(St), கேது உப நட்சத்திரம்(SL), குரு உப  உப நட்சத்திரம்(SSL), சூரியன் உப உப உப நட்சத்திரம்(SSSL) ஆகும்.

5ம் பாவ உப அதிபதி கேது நின்றது , குரு நட்சத்திரத்திரமான விசாகம் 2ம் பாதத்தில், புதன் உப நட்சத்திரம்(SL), சந்திரன் உப உப நட்சத்திரம்(SSL), சுக்கிரன் உப உப உப நட்சத்திரம்(SSSL) ஆகும்.

ஒளி கிரகங்களான சூரியன், சந்திரன், குரு 5ம் பாவத்திற்கு, பாவமுனை மற்றும் கிரக தொடர்புகள் மூலம் வலிமையாக தொடர்புகொண்டதன் விளைவு அரசியல் ஈடுபாட்டிற்கான ஆர்வத்தை கொடுத்துவிடும்.

5ம் பாவத்திற்கு உப உப நட்சத்திர அதிபதி, 5ம் பாவ உப நட்சத்திரம் கேது, குரு சாரத்தில் அமைந்து ,5ம் பாவம் ருண ரோக, சத்ரு என்னும் வெற்றி ஸ்தானம் 6ம் பாவத்தை வலிமையாக தொடர்பு கொண்டள்ளது.

எமது குருநாதர் சார ஜோதிட தந்தை, டிஜிட்டல்யுக வராகிமிஹிரர், ஜோதிட நல்லாசிரியர் A.தேவராஜ் அவர்களின் 40வருட ஜோதிட ஆராய்ச்சியில் உருவாக்கிய சார ஜோதிடத்தில் பொதுவாக, 5ம் பாவம் 6ம் பாவ தொடர்புகொண்டால், நல்ல வெற்றியுள்ள மனிதன். தோல்வியைச் சந்திக்காமல் வெற்றியையே ஜாதகர் அநுபவிப்பார். அரசியல் வெற்றிக்கு ஆறாம் பாவம் மிக வலிமையாக அமைய வேண்டும் என்று ஆணிதரமாக கூறுவார்.

சந்திர தசை காலகட்டங்களில் குரு புக்தி முடிய சினிமா துறையில் இருந்தார். சனி புக்தியில் அரசியலில் இணைந்தார்.

தமிழ், கன்னடம், தெலுங்கு என 1961 முதல் 1980வரை 140 படங்களில் நடித்துள்ள ஜெயலலிதா அம்மையார், அவருடைய அரசியல் குருவும், அ.தி.மு.கவின் நிறுவனருமான புரட்சி தலைவர் எம்.ஜிஆருடன் இணைந்து 28 படங்களில் நடித்துள்ளார். இந்த நெருக்கமே அவரை இயல்பாக அ.தி.மு.கவுக்கு அழைத்து வந்தது.

அனைத்து இந்திய அண்ணா திராவிட முன்னேற்ற கழகத்தில் 1982ம் ஆண்டு ஜெயலலிதா அம்மையார் இணைந்தார் .

கடலூரில் நடந்த மாநாட்டில் ஜெயலலிதா அம்மையாரை, எம்.ஜி.ஆர். அறிமுகப்படுத்தி, அதிமுகவின் கொள்கை பரப்புச் செயலாளராக 1983ம் ஆண்டு நியமிக்கப்பட்டார்.

ஜெயலலிதா அம்மையாரின் ஆங்கிலப் புலமையை கவனத்தில் கொண்டு, அவரை 03.04.1984 அன்று நாடாளுமன்ற மாநிலங்களவை உறுப்பினராக நியமித்தார் எம்.ஜி.ஆர்.

அப்போது சந்திர தசை(2,6,8,10), புதன் புக்தி (1,11), செவ்வாய் அந்தரம் (1,5,11). 11ம் பாவம் 10ன் காரகத்தை வளர்க்கவே செய்யும் ஆதலால் அவருக்கு ராஜியசபா பதவி கிடைத்தது.

உட்கட்சி பூசலால் பல சங்கடங்களையும் சந்தித்து வந்தார். இவரை பற்றி அவதூரான செய்திகள் பரவியதன் விளைவால் அரசியலே வேண்டாம் என்று
1984-ஆம் ஆண்டு மே மாதம் கொள்கைபரப்பு செயலாளர் பதவியை ராஜினாமா செய்து கடிதம் எழுதினார். இந்த ராஜினாமாவை எம்.ஜி.ஆர் ஏற்றுக்கொள்ளவில்லை. ஆனால், பின் இந்த ராஜினாமா ஏற்றுக் கொள்ளப்பட்டது.

இதற்கு காரணம் தசையில் 6, 8ம் பாவங்கள் இணைந்து செயல்படுவதாலும், ராகு (8,11) அந்தரம், சனி(4,8,12) சூட்மம் 8ம் பாவத்திற்கு சாதகமாக இருந்ததால் சனி கலக காரகன், அவமானம், மனவலி, வேதனையான நிகழ்வுகளை நிகழ்த்திவிடும். சாதக மற்ற இந்த சூழ்நிலை, அவரை ராஜினாமா செய்யும் அளவிற்கு சூழலுக்கு தள்ளிவிட்டுள்ளது.

அடுத்து வந்த கேது(6,8) புக்தியும் கை கொடுக்கவில்லை. காரணம் 11/1984 தொடங்கி 06/1985 வரை வம்பு, வழக்கு, பிரச்சனையின் பூதாகரம், தெய்வ அனுகூலமற்ற நிலையை  8ம் பாவம் வலிமையாக செயல்படும் போது அசுப பலனாகவே நிகழ்ந்துவிடும். இந்த சூழலில் மனிதனை தன்னிலையை இழக்க வைத்திடும். பெயர், புகழ், பதவியை இழக்க வைத்திடும்.

இந்த காலக்கட்டத்தில் அதிமுக நாடாளுமன்ற குழுவின் துணை தலைவராக ஜெயலலிதா அம்மையார் இருந்தார். இதிலிருந்தும் ஜெயலலிதா அம்மையாரை நீக்கினார் எம்.ஜி.ஆர். அப்போது எம்.ஜி.ஆர் அமெரிக்காவில் சிகிச்சையில் இருந்தார்.

இதனை தொடர்ந்து ஜெயலலிதா அம்மையார் அளித்த பேட்டி கட்சிக்கு உள்ளேயும், வெளியேயும் சர்ச்சைக்கு உள்ளானது. அந்த பேட்டியால் எம்.ஜி.ஆர் கடும் கோபம் கொள்ள காரணமாக அமைந்தது.

இப்போது நன்றாக உணர்வீர்கள், இயற்கை அசுப கிரகம், சாதகமற்ற பாவங்களை புக்தியாக நடத்தும் போது சந்திர தசை (2,6,8,10) கொடுப்பினையை மீறி செயல்பட்டு அனைத்து பாக்கியத்தையும் கெடுத்துவிடும். உச்சானி கொம்பில் இருந்தால் அதால பாதாளத்திற்கு தள்ளிவிடும். இந்த நிலை கேது புக்தி முழுக்க நீடித்தது.

அடுத்துவந்த இயற்கை சுபர் சுக்கிரனின் புக்தியில் மெல்ல மெல்ல நிலமை மாறியது. சுக்கிர புக்தி 1,7,11ம் பாவங்களை  06/1985 முதல் 03/1987 வரை நடத்தியது.

இழந்த பதவியை திரும்ப பெறவைத்தது.

ஆம் எம்.ஜி.ஆர் அவர்களின் கோபம் தணிந்து மீண்டும் செப்டம்பர் மாதம் 1985ம் ஆண்டு, சரியாக சொல்ல வேண்டும் என்றால் சந்திர தசை(2,6,8,10), சுக்கிர புக்தி, சுக்கிர அந்தரம் (1,7,11), புதன் சூட்சமத்தில் (1,11) கட்சியின் கொள்கைபரப்புச் செயலாளராக நியமிக்கப்பட்டார் ஜெயலலிதா அம்மையார்.

பொதுவாக சூரிய தசை மற்றும் புக்தி காலங்களில் ஜெயலலிதா அம்மையார் அவர்களுக்கு அகம் சார்ந்த நலன்களுக்கு சாதக மற்ற பலன்களே நிகழ்ந்துள்ளன. கௌரவம் இழந்து, மரியாதையற்று, அவமான அசிங்கங்களை சந்திக்கும் சூழலை தந்துள்ளது. மேலும் இந்த சமயங்களில் உறவில் யாரையாவது இழப்பார். 

அப்பா, அம்மாவை இழந்தது சூரியன் சம்பந்தபடும் காலங்களில் தான்.

இதைபற்றி நமது முந்தைய அத்யாயத்தில், வாசக பெருமக்கள்,  விளக்கமாக படித்து அறியலாம். 

அதன் பிறகு அதிரடி மாற்றங்களால் பல முன்னேற்றங்களை அடைந்துள்ளார்.

சந்திர தசை காலத்தில் சினிமா துறையில் நடிப்பதற்கு முடிவுரை எழுதி அரசியலுக்கு தொடக்க உரையை எழுதிய ஜெயலலிதா அம்மையாருக்கு சந்திர தசையின் இறுதி புக்தியான சூரிய புக்தி (01.03.1987 - 30.08.1987) கடுமையான சவாலை அரசியல் வாழ்வில் சந்திக்க வைத்தது. இந்த கால கட்டத்தில் தனது அரசியல் குரு எம்.ஜி.ஆர் அவர்களின் நேரடி தொடர்பை இழந்தார். சக கட்சி உறுப்பினர்களாலும் ஓரங்கட்டபட்டார்.

சார ஜோதிடத்தின் உயர்நிலை கிரக விரிவு விதிகளை கொண்டு ஒரு தசையின் முழு செயல்பாடுகளை மிக துல்லியமாக கணித்துவிடலாம்.

எம் குருநாதர் சார ஜோதிட சக்ரவர்த்தி A. தேவராஜ் அய்யா அவர்களின் படைப்பில் மலர்ந்த "கொடுப்பினையும் தசாபுக்தியும்" புத்தகத்தில் மிக விரிவாக விளக்கி இருப்பார்.

இயற்கை சுபர்கள் குரு, சுக்கிரன், சந்திரன்(வளர்பிறை) மற்றும் புதன், இயற்கை பாவிகள் சூரியன், செவ்வாய், சனி, ராகு மற்றும் கேது ஆகிய பாகுபாடுகள் இதில் கிடையாது.

சுப கிரக தசையில் முழுவதும் நல்லதே நடக்கும் என்றும் அசுப கிரக தசையில் கெட்டதே நடக்கும் என்று எண்ண வேண்டாம்.

ஒரு தசையின் சம்பவத்தை நிகழ்த்தும் நாயகர்கள், தசா நடத்தும் கிரகம் தான் நின்ற நட்சத்திரம், உப நட்சத்திரம், உப உப நட்சத்திரங்களே. இவர்கள் தொடர்பு கொண்ட பாவங்களை பொருத்து ஆய்வுக்குரிய தசை ஜாதகருக்கு யோகமாக செயல்படுமா? அல்லது அவயோகமாக செயல்படுமா? என்பதை மிக துல்லியமாக கணித்துவிடலாம்.

தசையின் முதல் மூன்று புக்திகளை நட்சத்திரங்கள் நடத்தும். அடுத்த மூன்று புக்திகளை உப நட்சத்திரங்கள் செயல்படுத்தும். இறுதி மூன்று புத்திகளை உப உப நட்சத்திரம் செயல்படுத்தும். இதனால் தான் தீய கிரகங்களின் தசையில் முழுவதும் தீமையே நடந்துவிடுவதில்லை, சுப கிரக தசைகளில் முழுவதும் நன்மையே நிகழ்ந்துவிடுவது இல்லை.

ராகு தசையா..? அய்யோ..! படுத்தி எடுத்துவிடுமே என்ற பயமும் வேண்டாம்...! சுக்கிர தசையா..??? இனி யோக காலம் தான் என்ற வீன் நம்பிக்கையும் வேண்டாம்.

ஜெயலலிதா அம்மையார் அவர்களின் ஜாதகத்தில், சந்திர தசையை ஆய்வு செய்ததில் சந்திரன் உப நட்சத்திர அளவில் (2,10), உபஉப நட்த்திரத்தில் எந்த பாவமும் இல்லை, நட்சத்திர அளவில் (4,8,12) யை மூல பாவமாக ஏற்று தசையை நிகழ்த்தியுள்ளது.

மூலபாவத்தில் 2,10 பாவ கொடுப்பினை  உப நட்சத்திர அளவில் நிகழ வேண்டும் என்றால் இதை முறிக்கும் பாவங்கள் செயல்பட கூடாது. அப்போது தான் உபநட்சத்திர கொடுப்பினை 60% சதவீதம் இயங்கும்.

மூலபாவத்தில் 4,8,12,  நட்சத்திர அளவில் இயங்குவதால் இந்த தசையில் எதிலும் தடை, சுகவீனம், வலிவேதனை, இழப்பு போன்றவை நிகழும். ஆனால் இது நட்சத்திர அளவில் என்பதால் 15% சதவீத பாதிப்பை தந்துவிடும்.

சந்திர தசையில் முதல் மூன்று புத்திகளின்  (சந்திரன், செவ்வாய், ராகு) சம்பங்களை நட்சத்திர அதிபன் குரு ஏற்று நிகழ்த்தியுள்ளார்.

குரு உப நட்சத்திர அளவில் முதல் மூன்று புத்திகாலகட்டத்தில் 6, 9ம் பாவ பலனை 60% சதவீதமும், உ.உப நட்சத்திரத்தில் 5ம் பாவ பலனை 25% அளவில் நிகழ்த்தியுள்ளார். உபாதிபதி புதன் எந்த பாவத்தையும் ஏற்று நடத்தாததலால் தடையில்லாமல் நிகழ்ந்துவிட்டது. இந்த காலகட்டத்தில் சினிமா துறையில் உச்சத்தில் இருந்தார். நல்ல சம்பாத்தியம், பெயர் புகழுடன் இருந்தார்.

அடுத்த மூன்று புத்திகளை உப அதிபதி புதன் ஏற்று நடத்த, புதன் எந்த பாவங்களையும் தொடர்புகொள்ளாததால், எட்டாம் பாவத்திற்கு  நின்ற கிரகம் என்ற வகையில் அடுத்த மூன்று புத்திகளை ஏற்று நடத்தியுள்ளது.

ராகு உ.அ அளவில் 4,8ம் பாவங்களை 85% (60+25) அளவில் இறுதி மூன்று புக்திகளையும் ஏற்று நடத்தியதின் விளைவு இந்த காலகட்டத்தில் சினிமாவில் பெரிதாக ஜொளிக்க முடியவில்லை. கொஞ்ச காலம் தனிமை வாழ்க்கையை வாழ நேரிட்டது.

ஆறுதல் அளிக்கும் நிலையில் உ.உ நிலையில் (1,4,6,8,9) ம், நட்சத்திர அளவில் 1,5,9 பாவ பலன்களை நிகழ்த்தியுள்ளது. இதில் 1ம் பாவம் 40%, 6ம் பாவம் 25%, 9ம் பாவம் 15% பாவ பலனை சந்திர தசையில் நிகழ்த்தியுள்ளது.

இதிலிருந்து சந்திர தசை சிறப்பாக இல்லை என்பதை நீங்கள் இறுதி முடிவெடுத்துவிடுவீர்கள். ஆம் அதுதான் சரி.

• சந்திர தசையில் லக்னத்திற்கு சாதகமற்ற 4,8,12ம் பாவங்களே மிக வலிமையாக செயல்பட்டதால் சந்திர தசை குறிப்பிடும் அளவிற்கு முன்னேற்றத்தை தரவில்லை.

• அரசியலிலும் பெரிதாக பொறுப்பு வகிக்க முடியவில்லை. பொறுப்பில் இருந்த காலகட்டத்திலும் பிரச்சனைக்கு மேல் பிரச்சனைகளையே சுமக்க வேண்டிய துர்பாக்கிய நிலையை சுப கிரகமான சந்திர தசையில் நடந்தேறியது.

• ஒளி கிரகங்களான சூரியன், சந்திரன் தசைகள் குடும்ப வாழ்விற்கும், அரசியலுக்கும் பெரிதாக யோகம் அளிகாத நிலையில் இளமை காலங்கள் முழுவதும் ஒரு நிலையற்ற வாழ்க்கையே வாழ்ந்துள்ளார் என்பதை ஜெயலலிதா அம்மையார் அவர்களின் ஜாதகத்தை சார ஜோதிட முறையில் ஆய்வு செய்ததில் மிக துல்லியமாக காரணங்களை அறிய முடிகின்றது.

• அரசாலும் யோகம் தரும் ஒளிகிரகங்களான சூரியன் மற்றும் சந்திரன் தசைகள் கைவிரித்தன. 

சினிமா துறையில் இருந்த போது ஆஸ்தான வழிகாட்டியாகவும், தனிபட்ட வாழ்வில் நெருங்கிய நண்பராகவும், அரசியல் வாழ்விற்கு ராஜ குருவாக திகழ்ந்த எம்.ஜி.ஆர் ரின் நட்பும் கட்சியில் முக்கிய பொருப்பில் இருந்தும், முக்கியதுவம் இன்றி ஓரங்கட்டபட்டார்.

கட்சியின் கொள்கை முடிவுகளில் இவரது ஆலோசனைகளும் முக்கியதுவம் அளிக்கபடாமல் நிராகரிக்கபட்டன.

தனி வாழ்க்கையிலும் பல சோக நிகழ்வுகளை வரலாற்றில் பதியும் அளவிற்கு சந்திர தசையில் ஜெயலலிதா அம்மையாரின் இளமைகால வாழ்க்கை வலி வேதனை, அதிஷ்டமற்ற, துர்திஷ்டமாக அமைந்தது.

சரியாக சொன்னால் இந்த காலகட்டத்தில் தனி வாழ்க்கையிலும், அரசியல் வாழ்க்கையிலும் அனாதையாக்கபட்டார் என்பதே நிதர்சனமான உண்மை.

மொத்தத்தில் சார்ஜ் இறங்கிய பேட்ரி போல் சக்தி இழந்து சோர்ந்து போனார்.

வாழ்வின் எதிர்காலமே தொலைத்துவிட்ட விரக்திக்கு தள்ளபட்டார்.

இதற்கெல்லாம் காரணம் சந்திரன் நின்ற உப உப அதிபதி ராகு ஆறு புக்திகளை அசுப பாவ தொடர்பு கொண்டு நிகழ்த்தியதின் விளைவு.

இவ்வளவு சோதனைகளையும் கடந்து அரசியலில் நாடு போற்றும் மாபெரும் பெண் சக்தியாக உருவெடுத்தது எப்படி?

அடுத்து வந்த இயற்கை அசுபரான செவ்வாய் தசையாவது அரசாளும் யோகத்திற்கு கைகொடுத்ததா..?

காத்திருங்கள் அடுத்த பதிவில் மிக விரிவாக அலசுவோம்.

(தொடரும்)

இதுவரை பொறுமையாக படித்தறிந்த உங்களுக்கு எனது பணிவான நன்றியை தெறிவித்து கொள்கின்றேன்.

எமது குருநாதர், சார ஜோதிட சக்ரவர்த்தி, உயர்திரு. A. தேவராஜ் ஐயா அவர்களின் நல்லாசியுடன்...

திலக். ஜெ. பாலமுருகன் M.C.A.,

Advanced KP Stellar Astrologer, 

Member, All India Stellar Astrologer Association - Chennai | India.

+91-9940137099 | 8825518634 | Jbm2k07@gmail.com

Recent Post: 

• தாம்பத்தியத்தில் யார் கில்லி?
• உறுமுவதற்கு இல்லை என்றாலும் இருமுவதற்காவது வீட்டுக்கு ஆம்பள வேணும்!
• பிரபல ஒளிப்பதிவாளர் ஆகும் யோகம் யாருக்கு? 

Read more popular posts.

Read More

அரசியல் எனக்கு ஒத்துவருமா.. தலைவனாக்குமா தலையெழுத்து? - பாகம் 2

உச்சிஷ்ட மஹா கணபதி போற்றி...!

அனைவருக்கும் வணக்கம்!

அரசியல் யோகம் பற்றி தொடர் பதிவுகளை "அரசியல் எனக்கு ஒத்து வருமா? தலைவனாக்குமா தலையெழுத்து??" என்ற தலைப்பில் நமது முந்தைய பதிவை படித்திருப்பீர்கள்.

இது நமது இரண்டாவது பதிவு.

முதல் பதிவை, இதுவரை படித்திராதவர்கள்,  இந்த லிங்கை கிலிக் செய்யவும்.

அரசியல் எனக்கு ஒத்து வருமா? தலைவனாக்குமா தலையெழுத்து? - பாகம் 1

சென்ற பதிவில் அரசியல் ஈடுபாட்டிற்கான, ஜாதகத்தில் முக்கிய கிரக அமைப்புகள், பாவ முனை தொடர்புகள், கிரக காரகங்கள், பாவ காரகங்கள், அரசியலுக்கான அடிப்படை விதிகள் ஆகியவற்றை விளக்கமாக
பார்த்தோம்.

உதாரண ஜாதகமாக, இந்திய அரசியலில் பிரமிப்புடன் பார்க்கபட்ட, அரசியல் ஆளுமையில் சிகரம் கண்ட, மறைந்த முன்னால் மாண்புமிகு  முதல் அமைச்சர். J. ஜெயலலிதா அவர்களின் ஜாதகத்தில், அரசியலுக்கான கிரக தொடர்புகள், பாவதொடர்புகளை சார ஜோதிட விதிகளை கொண்டு ஆராய்ந்தோம்.

 இந்த பதிவில் தசா புக்திகளை கொண்டு அவர் வாழ்நாளில் கிரகங்கள் நிகழ்த்திய சுப மற்றும் அசுப யோக பலன்களை தசா புக்தி வாரியாக மிக துல்லியமாக ஆராய்வோம்.

அரசியல் ஆர்வம் கொண்டு அதன் ஆழம் அறியாமல் அல்லல்பட்டவர்களும் ஏராளம் உண்டு. அரசியல் அரிச்சுவடை அறிந்து அதற்கென்றே வாழ்வை அர்ப்பணித்து  வெற்றி கண்டவர்களும் உண்டு. 

இருநிலையிலும் அரசியல் யோகம் வேலை செய்தாலும், நீடித்த அரசியலில், யார் பெயர் போற்றும் தலைவனாக விளங்குகின்றாரோ! அந்த அரசியல் தலைவர்களைதான் மக்கள் ஆதரித்து கொண்டாடுவார்கள்.

அவர்கள் தான் மக்கள் மனதில் நிரந்தரமாக இடம் பிடிப்பார்கள்.

அரசியலில் நீண்ட காலம் நிலைத்து, பதவி அனுபவிக்க வேண்டும் என்றால் அதற்கு விதியும், மதியும் பலமாக செயல்படவேண்டும். விதி கொடுப்பினை இருந்து, மதி என்னும் தசா/புக்திகள் சாதகமற்று நிகழ்த்தினாலோ அல்லது தசா/புக்திகள் குறைந்த கால சாதக பலனை அளித்தாலோ.. அரசு பதவியில் நிலையற்ற தன்மையையே அனுபவிக்க நேரிடும்.

மேலும் லக்ன கொடுப்பினை, பூர்வபுண்ணிய கொடுப்பினை, பாக்கிய ஸ்தானத்தின் அருளாசி போன்றவற்றின் பங்கு மிக மிக முக்கியம்.

அந்த வகையில் தமிழக முன்னால் முதல்வர் அம்மா அவர்களின் ஜாதகத்தில் தசா புக்தி கொடுப்பினையை ஆய்வுக்கு எடுத்துகொள்வோம்.

கேது தசை 

அம்மா அவர்கள் ஜனித்த போது தசா இருப்பு கேது தசை 03 வருடம் 06 மாதம் 06 நாட்கள் தசை நடத்தியது.

தசா காலம் 24-02-1948 முதல் 30-08-1951 வரை.

கேது தசை ராகு புக்தியில் பிறந்து, ஒன்ரை வயதில் சனிபுக்தி ஆரம்பம்.

தசா நாதன் கேது (6,8) மூல பாவங்களை எடுத்து நடத்தியுள்ளது.. புத்தி நாதன் சனி 4,8,12ம் பாவங்களை நிகழ்த்தியதன் விளைவு, இந்த காலகட்டத்தில் தந்தையை இழக்க நேர்ந்தது.

இயற்கை அசுபர்களான கேது, சனி இனைந்து 4,6,8,12 பாவங்களை இயக்கியதால் தந்தையை குறிக்கும் 9ம் பாவம் செயலிழந்து போய்விட்டது.

ஜனன ஜாதகத்தில் தந்தை காரகன் சூரியன், ராகு நட்சத்திரத்திலும், சனி உப நட்சத்திரத்திலும் அமர்ந்து, லக்னத்திற்கு விரைய ஸ்தானம் என்னும் 12ம் பாவம் தொடர்பு, தந்தைக்கு கண்டத்தை குறிக்கும் இந்த காலகட்டத்தில், குழந்தை பருவத்திலே தந்தையை இழந்துள்ளார்.

சுக்கி்ர தசை (30/08/1951 - 30/08/1971 )

சுக்கிரன் ஒரு இயற்கை சுப கிரகம். அழகு, கவர்ச்சி, நளினம், காதல், கலை நிகழ்ச்சி, கேளிக்கை ஆடம்பரம், நடனங்கள், இன்ப நுகர்ச்சி மற்றும் சந்தோஷிக்க கூடிய அனைத்து காரகங்களுக்கும் சுக்ரனே அதிபதி.

அம்மா அவர்களுக்கு 03வயது 06 வருடம் 06ம் நாள் சுக்கிர தசை ஆரம்பம். இது 20 வருடம் நடத்த கூடிய மிக நீண்ட தசை. ஒன்பது கிரகங்களின் புக்திகளும் நீண்ட அளவில் சுக்கிர தசையில் செயல்படும்.

அம்மா அவர்களின் ஜாதகத்தில், சுக்கிரன் 1,7,11 ஆகிய ஒற்றைபடை பாங்களை மூலபாவமாக ஏற்று தசையை நடத்தியுள்ளார். இது அகவாழ்விற்கு ஏற்ற நல்ல தசை.

நான்கு வயதில் இருந்து பதினாறு வயது முடிய, அம்மா அவர்கள் ஜாதகத்தில், பள்ளி படிப்பிற்கு தசா புக்திகளின் சாதகமான நிலையை ஆராய்வோம்.

சுக்கிர திசையில் சுக்கிர புக்தியில் பாதிவரை மைசூரில் வாழ்க்கை பின்பு மீதி பாதியில் சென்னையில் வளர ஆரம்பித்தார்.

சுக்கிர புக்தி 1,7,11 (3வ 6மா 6 நா - 6வ 10மா 5நா)

சூரிய அந்தரம் (03/1952 - 05/1952) நான்கு வயதில் ஆரம்பம், சூரியன் 3,12 பாவங்களை குறிகாட்டி இயங்குவதால், தற்சமயத்தில் வாழும் இடத்தைவிட்டு, வேறு இடத்தில் வசிக்கும் நிலையை தந்துவிடும்.

• 3 -> பிரயாணம், இட பெயர்ச்சி
• 12 -> இழத்தல், பிரிதல், ஊரைவிட்டு பிரிதல் அல்லது மறைந்து வாழ்தல்.

நான்கு வயதில் அம்மா அவர்களின் குடும்பம், கர்நாடகாவிலிருந்து தமிழகத்திற்கு குடிபெயர்ந்தார்கள்.

சூரிய அந்தரம் நடத்தும் 12 ம் பாவ காரகங்கள் ஒத்து போகின்றது அல்லவா...!

சென்னை வந்த பின்னர், 1958-ஆம் ஆண்டு முதல் 1964ம் ஆண்டுவரை சர்ச் பார்க் பள்ளியில் பயின்றார்.

அம்மா அவர்கள் தன்னுடைய சிறு வயதிலேயே எஸ்.ஜே. சரஸா என்ற சிறந்த ஆசிரியரிடம் பரதம் பயில தொடங்கினார்.

தனது 4 வயது முதலே கர்நாடக இசையையும், பரத நாட்டயத்தையும் கற்று தேர்ந்தார்.

அடுத்தடுத்து வந்த புத்திகளும் பள்ளிபடிப்பிற்கு ஏதுவாகவும், கலையை கற்று சிறந்து விளங்கவும் மிகவும் சாதகமாகவே இருந்தன.

• சூரிய புக்தி 3,12 -  (6வ 10மா 5 நா - 7வ 10மா 5நா) 
• சந்திர புக்தி 2,6,8,10  - (7வ 10மா 5நா - 9வ 6மா 5நா)
• செவ்வாய் புக்தி 1,5,7,11 - (9வ 6மா 5நா - 10வ 8மா 5நா)

மேற்கண்ட புக்தி காலங்களில் மோகினி ஆட்டம், கதக்களி, மணிபூரி போன்ற நடன கலைகளில் தேர்ந்தவராக திகழ்ந்தார்.

தமிழ், ஆங்கிலம், தெலுங்கு, கன்னடம் மற்றும் ஹிந்தி ஆகிய மொழிகளில் புலமைபெற்று பன்மொழி வித்தகராகா விளங்கினார்.

ராகு புக்தி 8,11 (10/1958 - 10/1961) -  (10வ 8மா 5நா - 13வ 8மா 4நா)

சுக்கிர தசை - 1,7,11
        ராகு புக்தி - 8,11
                புதன் அந்தரம் - 1,11
                          செவ்வாய் சூட்சமம் 1,5,11 (13/05/1960 - 22/05/1960)

 

நிகழ்ந்த இந்த கால கட்டத்தில், தனது 12 வயது 02 மாதம் நடைபெற்ற காலத்தில் மே மாதம் 1960ஆம் ஆண்டு, மைலாப்பூர் ரசிக ரஞ்சினி சபாவில் அவர் நடன அரங்கேற்றம் வெகு சிறப்பாக நடைபெற்றது.

• 1 ம் பாவம் -> சுய திறன் வெளிபடுதல், சுய முயர்ச்சி
• 5 ம் பாவம் -> கலை, நாட்டியம், கேளிக்கை நிகழ்ச்சி
• 11 ம் பாவம் -> பிரமாண்ட கூட்டம், ஆசை நிரைவேறுதல், முழு திருப்தி அடைதல், புகழ் அடைதல்

இந்த அரங்கேற்றத்தில் சிறப்பு விருந்தினராக நடிகர் திலகம் சிவாஜி கணேசன் பங்கேற்றார். ஜெயலலிதா அம்மா அவர்களின் நடனத்தைப் பார்த்து வியந்த சிவாஜி அவர்கள், "ஜெயலலிதாவுக்கு திரைப்படத்துறையில் நல்ல எதிர்காலம் இருப்பதாக அவரது அம்மா, சந்தியா அம்மையாரிடம் கூறினார்". ஆனால், அப்போது அதை யாரும் பெரிதாக எடுத்துக் கொள்ளவில்லை.

சுக்கிர திசை காலத்தில் அம்மா அவர்கள், நடனம் மட்டுமல்ல இசையிலும் தேர்ச்சி பெற்றவர். கிளாசிக்கல் மியூசிக், மேற்கத்திய இசை, பியானோ வாசிக்கவும் பயின்றிருக்கிறார்.

தொடக்கத்தில் ஜெயலலிதா அம்மையார் அவர்களுக்கு, சினிமாவில் விருப்பம் இல்லாமல் இருந்தாலும், திரைப்படத்துறை அவரை விடுவதாக இல்லை.

ஆம் விடுவாரா ராகு பகவான்; பிரம்மாண்ட படுத்துவதில் ராகு பலவான் அல்லவா..! ராகு புக்தி இதை நிகழ்த்தியது.

குரு புக்தி 1,5,9,11 (10/1961-06/1964) - (13வ 8மா 4நா - 16வ 4மா 4நா)

அம்மா அவர்களின் குருபுக்தி காலங்கள் நல்ல யோகமாகவே செயல்பட்டது.

சிறு கூட்டங்களில் நடனம், நாடகம் என்று நிகழ்ச்சிகளில் திறமையை வெளிபடுத்துபவராக பார்க்கபட்டவர், வெள்ளி திரையில் ஜொளிக்கும் பெரும் பாக்கியத்தை குருபுக்தி சிறப்பாக வழங்கியது.

ஒருவர் நடிகனாகவோ-நடிகையாகவோ சிறந்து விளங்கும் யோக அமைப்பு: சார ஜோதிடத்தில், 5ம் பாவ முனை உபாதிபதி நின்ற நட்சத்திர அதிபதி மற்றும் உப நட்சத்திரத்தின் அதிபதி 5-ஆம், 6-ஆம், 10-ஆம் வீட்டு பாவ முனைகளுடன் தொடர்புகொண்டால் பிரபல நடிகராகளாம். அதேவேளையில் 11-ம் பாவமுனையுடனும் ஏற்படும் வலுவான தொடர்பு, நல்ல வருமானமுடைய செல்வாக்கு உடைய நடிகராக இருப்பார்.

ஜெயலலிதா அம்மையார் 1965 - 1980 இடையேயான காலக்கட்டத்தில் தென் இந்தியாவில் அதிகம் சம்பளம் வாங்கும் நடிகையாக இருந்தார்.

இந்த அமைவில் செவ்வாயின் சம்பந்தம், நடிகர் நடிகைகளில் தலைசிறந்தவாராக இருப்பார். ஜன கூச்சமோ, மேடை கூச்சமோ எதுவும் இருக்காது. வெற்றி மேல் வெற்றியை வாரி வழங்கிடும். இது ஒரு அதிசிறப்பான யோக அமைப்பு.

அம்மா அவர்களின் ஜாதகத்தில் நிழல் கிரகமான கேது 5ம் பாவத்திற்கு உபாதிபதியாக அமைந்து குரு நட்சத்திரத்திலும், புதன் உப நட்சத்திரத்திலும் அமர்ந்து, 6,8ம் பாவ தொடர்பு; 5ம் பாவத்திற்கு குரு, புதன், சந்திரன், ராகு மற்றும் சுக்கிரனின் 10,11ம் பாவங்களின் தொடர்பு 5ம் பாவத்தின் காரகங்களை வலுபெறவே செய்யும்.

நடப்பில் உள்ள தசாபுக்திகளும் மிகவும் சாதகமாகவே உள்ளதால் திரை துறையில் நுழைய நேர்ந்தது.

சுக்கிர தசை, குரு புக்தி, சுக்கிர அந்தரம், ராகு சூட்சமம் (04/1963 - 05/1963) இந்த காலகட்டம் நடிப்பு துறையில் கால்பதிக்க வழி வகுத்துள்ளது.

ஒரு முறை தாயார் சந்தியா அவர்கள், தன்னுடன் ஜெயலலிதா அம்மையாரை திரைப்படத் தளத்துக்கு அழைத்துச் சென்றபோது, இறைவி பார்வதியின் சிறு வயது வேடத்தில் நடிக்க நேரிட்டது. அதன் பிறகு தன்னுடைய 15 வயதில் கன்னடப் படமான 'சின்னட கொம்பே' திரைப்படத்தில் அறிமுகமானார்.

மனித வாழ்வில் நடைபெரும் அனைத்து  சம்பவங்களிலும்,  கிரகங்களின் தொடர்பு ஒவ்வொரு அங்கத்திலும் நீக்கமற நிறைந்து உள்ளது என்பதை கிரக காரகங்களையும், பாவ காரகங்களையும் மற்றும் தசா புக்திகளையும் தொடர்புபடுத்தி பார்க்கும் போது எவ்வளவு துல்லியாமாக அறிய முடிகிறது. இது தான் சார ஜோதிடத்தின் சிறப்பு அம்சம். துல்லிய கணக்கீடுகள் ஒருபோதும் தவறாது.. இதுவே ஜோதிட அறிவியல் நமக்கு உணர்த்தும் நிதர்சனமான உண்மை.

சனி புக்தி 4,8,12 (06/1964 - 08/1967) - (16வ 4மா 4நா - 19வ 6மா 4நா)

பள்ளி மற்றும் கல்லூரி படிப்பில் தடை ஏற்படுத்தும் அமைப்பு 8,12 மற்றும் 5,9 பாவங்களை தொடர்புபடுத்தி நடத்தும் தசா புக்திகள். அதற்கு ஏற்றார் போல் அம்மா அவர்களின் ஜாதகத்தில் சனி புக்தி, அந்தரம் மற்றும் சூட்சம காலங்கள் பல இன்னல்களை தந்தன.

சினிமா துறையில் பிரபலம் ஆன பிறகு கல்லூரி படிப்பை தொடர இயலாமல் படிப்பை கைகழுவினார். கல்வி தடையை சிறப்பாக செயல்படுத்தியதில் சனி புக்தியின் பங்கு பெருமளவு.

அதன் பிறகு தனது கடின உழைப்பால் வெள்ளி திரையில் மிக சிறந்த நாயகியாக முன்னனி கதாநாயகர்களுடன் நடித்தார்.

கன்னடத்தில் வெற்றிபெற்ற ஜெயலலிதா அம்மையாரின் திரைப்படங்கள், சின்னட கொம்பெ (1964), மவன மகளு (1965), நன்ன கர்டவ்யா (1965), படுகுவா டாரி (1966).



புதன் புக்தி 1,11 (19வ 6மா 4நா - 22வ 4மா 4நா), கேது புக்தி (22வ 4மா 4நா - 23வ 6மா 6நா)

ஜெயலலிதா அம்மையார்  127 திரைப்படங்களில் நடித்திருக்கிறார். அவற்றுள் எம்.ஜி.ஆருடன் 28 படங்களில் இணைந்து நடித்தார். மேலும் சிவாஜி கணேசன், எஸ். எஸ். ராஜேந்திரன், ஜெய்சங்கர், முத்துராமன், ரவிசந்திரன், சிவகுமார், ஏ. வி. எம். ராஜன், என். டி. ராமராவ், அக்கினேனி நாகேஸ்வர ராவ், தர்மேந்திரா போன்ற பல முன்னணி நடிகர்களுடன் சேர்ந்து நடித்துள்ளார்.

மக்கள் பலரும் ஜெயலலிதாவின் அம்மையாரின்  நடிப்பை வெகுவாக ரசித்தார்கள். இவரது நடிப்பை பாராட்டி இவருக்கு 'கலைசெல்வி' என்ற பட்டத்தை அளித்தார்கள்.

இவர் ம. கோ. இராமச்சந்திரன் உடன் நடித்த அனைத்து திரைப்படங்களும் வெகுவாக பாராட்டப்பட்டது.

தன் நடிப்பின் மூலம் பல ரசிகர்களை சம்பாதித்தார்.

அடுத்தடுத்து வந்த சூரிய தசை 6 வருடங்கள் (30/08/1971 - 30/08/1977) முழுவதுமே சினிமாவில் கோலேச்சி இருந்தார் ஆனால் இந்த தருனத்தில் தன் தாயாரின் திடீர் மரணம் பேரிழப்பாக இடிபோல் இரங்கியதை தாங்க முடியாமல் பெருங்கவலையில் ஆழ்ந்தார்.

நவம்பர் 01, 1971 அன்று வேதவள்ளி அம்மையார் இறந்தார்கள். அப்போது ஜெயலலிதா அம்மையாருக்கு வயது 23வ 08மா 08நாள்.

சூரிய தசை (3,13) - சூரிய புக்தி (3,12) - சனி அந்தரம் (4,8,13) - ராகு (8,11) சூட்சமம். ராசியாதிபதி சூரியன் அம்மா அவர்களுக்கு ஏதாவது ஒரு இழப்பை தன் தசை, புக்தி, அந்தரம் மற்றும் சூட்சம காலங்களில் கொடுத்து வந்திருக்கின்றார்.

அதே போல் தாயையும் சூரிய தசையில் இழக்க நேரிட்டது. இங்கு தாயை குறிக்கும் பாவத்திற்கு 12ம் பாவமான 3ம் பாவம் மிக வலிமையாக செயல்பட்டதனால் 4ம் பாவ கொடுப்பினை கெட்டு தாயின் இழப்பை சூரியனின் சுய புக்தியிலே நிகழ்த்திவிட்டது.

தமிழக அரசின் கலைமாமணி விருதினை 1972ஆம் ஆண்டு ஜெயலலிதா அம்மையார் பெற்றார்.

இந்த விருதானது சூரிய தசை சந்திர புக்தி காலகட்டங்களில் கிடைத்தது.

அதன் பிறகு சூரிய தசை காலக்கட்டத்தில் ஜெயலலிதா அம்மையார் அவர்கள், நூற்றுக்கும் மேற்பட்ட திடைப்படங்களில் நடித்திருந்தார் அதில் பெரும்பாலான படங்கள் நூறு நாட்களுக்கும் மேலாக ஓடிய வெற்றி படங்கள்.

சினிமா துறையில் மிகவும் ஈடுபாட்டுடன் இருந்ததால் இல்லற வாழ்வில் தனக்கென குடும்பத்தை பெறாமல் தனிமை வாழ்க்கையில் நெடுங்காலம் வாழ்ந்தார்.

 

சூரிய தசா காலத்தில் சூரிய புக்தி(3,12), சந்திர புக்தி(2,6,8,10), ராகு புக்தி(8,11), சனி புக்தி (4,8,12), கேது புக்தி(6,8) ஆகிய காலகட்டங்களில் தனி வாழ்க்கையில் மிக பெரிய சங்கடங்களையும், மன வேதனையும், வலிகளையும் சுமந்தே நரக வாழ்க்கை வாழ்ந்துள்ளார். இளம் பருவ வயதில் குடும்ப வாழ்க்கை அமையாமல் போனதற்கு இதுவும் காரணமாக அமைந்துள்ளது.

அடுத்து வந்த சந்திர தசை 10 வருடம்,  (30/08/1977 - 30/08/1987), தசை ஆரம்பத்தில் அப்போது அவருக்கு வயது 29வ 6மா 6நாள்.

ராகு புக்தியில், 1980ல் அவர் நடித்து வெளி வந்த "நதியை தேடி வந்த கடல்" படம் கடைசி படமாக அமைந்து, சினிமா துறைக்கு முழுக்கு போட்டு, அரசியலில் ஈடுபடும் நிலை ஏற்பட்டது.

அப்போது நடந்த தசாபுக்தி சூழலை ஆராய்ந்தால் இதற்கான காரணங்கள் தெரிந்துவிடும்.

சந்திர தசை (2,6,8,10) மூல பாவமாக தசையை செயல்படுத்த, புத்தி நாதன் ராகு (8,11) யும், அந்தரம் மற்றும் சூட்சம நாதனும், அரச கிரகமான சூரியன் 3,12 பாவ காரகங்கள் வலுவாக செயல்பட்ட நிலையில் ஒரு மாற்றத்தை நிகழ்த்திவிட்டார்.

சந்திர தசை காலத்தில் சினிமா துறையில் நடிப்பதற்கு முடிவுரை எழுதி அரசியலுக்கு தொடக்க உரையை எழுதினார் சூரியன்.

சந்திர தசை அரசியலுக்கு ஜெயலலிதா அம்மையாருக்கு யோகமாக அமைந்ததா?

அடுத்த பதிவில் விரிவாக காண்போம்.

இதுவரை பொறுமையாக படித்தறிந்த உங்களுக்கு எனது பணிவான நன்றியை தெறிவித்து கொள்கின்றேன்.

எமது குருநாதர், சார ஜோதிட சக்ரவர்த்தி, உயர்திரு. A. தேவராஜ் ஐயா அவர்களின் நல்லாசியுடன்...

திலக். ஜெ. பாலமுருகன் M.C.A.,

Advanced KP Stellar Astrologer, 

Member, All India Stellar Astrologer Association - Chennai | India.

+91-9940137099 | 8825518634  Jbm2k07@gmail.com

அரசியல் எனக்கு ஒத்து வருமா? தலைவனாக்குமா தலையெழுத்து?? - பாகம் - 3

Recent Post: 

• தாம்பத்தியத்தில் யார் கில்லி?
• உறுமுவதற்கு இல்லை என்றாலும் இருமுவதற்காவது வீட்டுக்கு ஆம்பள வேணும்!
• பிரபல ஒளிப்பதிவாளர் ஆகும் யோகம் யாருக்கு? 

Read more popular posts.

Read More

அரசியல் எனக்கு ஒத்துவருமா.. தலைவனாக்குமா தலையெழுத்து? - Part 1

உச்சிஷ்ட மஹா கணபதி போற்றி...!

படித்து பட்டம் பெற்று, பல போட்டி தேர்வுகளை எதிர்கொண்டு, அரசு இயந்திரத்தில் ஆட்சி நிர்வாக அதிகாரிகளான ஐ.ஏ.எஸ், சட்டம் ஒழுங்கை காக்கும் ஐ.பி.எஸ் அதிகாரிகள் மற்றும் உயர் அதிகாரிகளின் அதிகார வரம்பு ஒரு எல்லை வரைதான். தன்னிச்சு இயங்கும் சுதந்திரமின்றி, ஆட்சியாலர்களின் ஆணைக்கு மதிபளித்து மக்கள் பணியாற்ற வேண்டும்.

எவ்வித படிப்பு தகுதியும் இல்லாமல் மக்கள் சக்தியால் தேர்ந்தெடுக்கபடும் பஞ்சாய்த்து கவுன்சிலர் முதல் நாட்டின் பிரதமர் மற்றும் ஜானாதிபதி வரை சுதந்திரமாக செயல்படும் அரசியல் அமைப்பை கொண்டது நம் தாய் திருநாடு. அரசு அதிகாரிகளை தன் கட்டுபாட்டில் இயக்கும் ராஜ பதவியாக MLA, MP, மந்திரி, முதல்அமைச்சர் போன்று அராசாட்சி பதவிகள் நீளுகின்றன.

இந்த மாதிரியான உயர்நிலை அரசு பதவி அமைய வேண்டும் என்றால் ஜாதகத்தில் அதற்கான யோகம் அமைய வேண்டும்.

"ஒருவரின் அரசியல் வாழ்க்கையில் நீண்ட பதவி, ஆட்சி, அதிகாரம், உயர்ந்த கௌரவம், மக்களின் ஆசி, தொண்டர்களின் பேராதரவு என ராஜயோகத்துடன் ஓகோவென்று அமைவதற்கும்;

ஒருவரின் அரசியல் வாழ்க்கை நீண்ட கால அரசியல் ஈடுபாடு இருந்தும்,  எவ்வித முன்னேற்றம் இன்றி, அரசியலில் முக்கியத்துவம் அற்று, சாதரண தொண்டனாகவே, எவ்வித முன்னேற்றமின்றி அமைவதற்கும்;

காரணம் அவரவரின் ஜாதக அமைப்பே."

படைக்கும்போதே ஆண்டவன் அளந்து வைத்துதான் மனிதனை ஜீவிக்க வைக்கின்றான். அவரவர் செய்த முன்ஜென்ம கர்மவினைக்கேற்ப ராஜயோக பலன்களையும், அவயோக பலன்களையும் நவகிரகங்களின் ஊடே அனுபவிக்கின்றார்கள்.  இதை மீறி யாராலும் அணு அளவுகூட ஒருவரின் விதியை மாற்றி அமைக்க இயலாது.

ஆடிய ஆட்டமென்ன? 
பேசிய வார்த்தை என்ன? 
தேடிய செல்வமென்ன? 
திரண்டதோர் சுற்றமென்ன? 
கூடுவிட்டு ஆவிபோனால் கூடவே வருவதென்ன...?

இதை அறியாமல் ஆட்டம் போட்ட அரசியல் ஜாம்பாவான்களின் சரிவுகளை காலவரலாற்றில் அதிகம் காணலாம்.

சாதாரண நிலையில், எவ்வித அரசியல் பின்னனியோ அல்லது பண பலமோ இல்லாமல், அடிமட்டத்தில் இருந்து கிடு கிடுவென அதிகார பதவியில் நீண்ட நாள் கோலேச்சியவர்களின் ஜாதக அமைப்பை ஆராய்ந்தால், ராஜ வாழ்க்கைக்கான கிரக காரகங்கள், பாவ காரகங்கள் மற்றும் மதி என்னும் தசா புக்திகள் ஜாதகரின்,  அரசியல் வாழ்வில் வெற்றி நடைபோடும் யோக அமைப்பிற்கு சாதகமாக இருக்கும். இது அரிதிலும் அரிதாய் ஒரு சிலருக்கே அமைந்திருக்கும்.

ஆனால் தனக்கு என்ன யோகநிலை இருக்கு என்று கிஞ்சிற்றும் அறியாமால் அரசியல் ஆர்வத்தில், பதவி மோகத்தில் அகல கால் பாய்ச்சலில் சுவடே இல்லாமல் மறைந்த அரசியல் தலைவர்கள் இவ் வையகத்தில் ஏராளம்.

சேர்த்து வைத்த அனைத்து சொத்துக்களையும் இழந்து, அவமானத்தில் உறவினர்களை பிரிந்து, தலைமறைவு வாழ்க்கையில் அவதிபடும் அரசியல் தலைவர்களின் சொல்லொண்ணா துயரநிலை யாவரும் அறிந்ததே.

ஒருவர் அரசியலில் சிறப்படைவதற்கு “சூரியன், சந்திரன், செவ்வாய், குரு மற்றும் புதன்” போன்ற கிரகங்கள் முக்கியத்துவம் வகிக்கிறது.

அரசியலுக்கு கிரகங்களின் அடிப்படை அமைப்பு 

பணமே ஓடி வா / Paname Odi Vaa (Tamil Edition)

அரசியல் துறைக்கு அடிப்படையே ஜனநாயகத்தின் அடித்தளமான மக்களிடம் ஒருவருக்கு ஏற்படும் அபிமானம் மற்றும் செல்வாக்காகும். ஒருவருக்கு பொது வாழ்வில் மக்கள் கவர்ச்சி ஏற்பட மக்கள் வசீகரமளிக்கும் கிரகமான “சந்திரன்” நல்ல நிலையில் இருக்க வேண்டும்.
அரசியல் என்றில்லை மற்ற எந்த துறைகளில் ஈடுபடுபவர்களுக்கும் சந்திரன் ஜாதகத்தில் நல்ல நிலையில் இருக்கும் பட்சத்தில் அந்த ஜாதகர் மக்கள் ஈர்ப்பு கொண்டவராக மாற வாய்ப்புகள் அதிகம்.

அரசாளும் ராஜயோகத்தை அளிக்கும் ஒளி கிரகமான சூரியன், அனைத்திற்கும் முதன்மையான அரச கிரகமாகும். பிறர் உயர்வாக மதிக்க கூடிய, எல்லோரையும் அதிகாரம் செலுத்தக்கூடிய தன்மையை அளிப்பவர் சூரிய பகவான் ஆவார். 

• அரசு கிரகம் சூரியன், ஒருவரின் ஜாதகத்தில் இரட்டைபடை பாவங்களில் வலுவான பாவமான, பதவி, அந்தஸ்த்தை அளிக்க கூடிய பத்தாம் பாவத்துடன் தொடர்புபெற்று சுப வலிமையுடன் திகழ்ந்தால் ஜாதகர் உயர்ந்த அரசு பதவிகளை பெறும் வாய்ப்புகள் அதிகம்.

• புதுமையான சிந்தனையும், அரசியல் சாணக்கியத்தையும்,  வித்தியாசமான அணுகுமுறைகளையும், புத்தி கூர்மையையும் ஒருங்கே அளிப்பவர் புதபகவான். அரசியல் கலை அறிவை வளமாக அளிக்க புதனின் ஆசி தேவை. புதன் சுப கிரகங்களின் நட்சத்திரத்தில் நின்று, சுப பாவ தொடர்பு பெறுவது அரசியல் தலைவர்களுக்கு மிக மிக முக்கியம்.

• ஆழ்ந்த புத்தி காரகன் என்று அழைக்கக்கூடிய பிரகஸ்பதி என்னும் குரு, நுண்ணிய புத்தி கூர்மை, நிதான தன்மை, ஆட்சி யோகம், ராஜயோக ஆசி தந்து, கௌரவமிக்க, மிகசிறந்த தலைவனாக விளங்க, குரு ஜாதகத்தில் சுபவலிமையுடன் இருப்பது அரசியல் தலைவர்களுக்கு அதி அவசியம். 

• மக்கள் நேசிக்கும் தலைவனாக விளங்கவும், தைரியத்துடனும், துணிச்சலாக விரைந்து செயல்பட, சகோதர காரகன் செவ்வாய், சாதகமான பாவங்களை தொடர்புகொண்டு நல்லாசி வழங்கிட வேண்டும்.

• அரசியல் என்பது ஒரு கலை. வசிகரிக்கும் கலைகளுக்கு தலையாய காரக கர்த்தர் சுக்கிரன். அரசியல் சார்ந்த தலைவனுக்கான லச்சனங்களை அளிப்பவர் குரு ஆவார். ஜாதகத்தில் குரு, சுக்கிரன் சுப தன்மையுடன், சாதகமான பாவங்களை தொடர்புகொள்வது கூடுதல் சிறப்பை அளிக்கும்.

• ஒரு அரசியல்வாதி எந்த தோல்வியும் இல்லாமல், தடைகளையும், சூழ்ச்சிகளையும், வஞ்சகர்களின் வலையில் சிக்காமல் நல்லாட்சி புரிந்திட நீதீ கிரகம் சனி, லக்னத்திற்கு 8,12ம் இடங்களை தொடர்புகொள்ளாமல், சுப தன்மையுடன் அமைவது அரசியல் வாழ்வில் நீடித்த யோகத்தை அளிக்கும்.

• சாயா கிரகமான ராகு, பிரமாண்டத்தை குறிப்பவர். கேது ஆழ்நிலை ஞானத்தை குறிப்பவர்கள். முக்கியமாக இவர்களின் சுப தொடர்பு நன்கு கவனிக்கபட வேண்டும்.

இதுவரை அரசியலுக்கான கிரக தொடர்பை பார்த்தோம். இனி பாவ தொடர்புகளை ஆராய்வோம்.

• ஒருவர் ஜாதகத்தில் அரசியலை குறிக்கும் பாவம், பூர்வ புண்ணியம் என்னும் ஐந்தாம் பாவம். ஐந்தாம் பாவம் மிக வலிமையுடன் பத்தாம் பாவத்தை தொடர்புகொள்ள வேண்டும். குறிப்பாக லக்னத்திற்கு பாக்கிய ஸ்தானம் என்னும் 9ம் பாவத்தை தொடர்புகொள்ள கூடாது. 

• தன் பாவத்திற்கு 12ம் பாவமான சுக ஸ்தானம் என்னும் நான்கை தொடர்பு கொள்வதும் சில வகையில் இடஞ்சல் தான். 

• 8, 12ம் பாவ தொடர்பு அரசியல் வாழ்விற்கு எதிர்மறை விளைவை தரும். போராடி வெற்றி அடைய வைக்கும் அல்லது அரசியல் வாழ்வையே கெடுக்கும். மற்ற பாவங்களின் தொடார்பை பொருத்தும், நடப்பு தசாபுக்திகள் சாதகமாக அமைந்தால் நன்மை.

• லக்ன பாவம் இயற்கை சுப கிரங்களான குரு, சுக்கிரன், புதன் போன்றவர்கள் உபாதிபதியாக அமைந்து, இவர்கள் அமர்ந்த நட்சத்திரம் மற்றும் உப நட்சத்திரங்கள் 8,12ம் பாவ தொடர்பின்றி, மேலும் லக்ன பாவம் தொடர்பு கொண்ட பாவங்கள் 2,3,4,5,6,7,10,11 என்றால் அரசியலில் நல்ல ஆளுமையுடன் திகழ்வார்கள். மக்கள் போற்றும் தலைவர்கள் இவர்களே!

• ஜாதகருக்கு மக்கள் சக்தி என்னும் ஏழாம் பாவம் சாதகமான பாவங்களான 1,3,5,7,9,10,11 தொடர்பு மிக சிறந்த அமைப்பு. ஒரு அரசியல் தலைவருக்கு மிகவும் பிரதானமானது மக்கள் ஆதரவு. மேற்கண்ட அமைப்பு அரசியலில் ஈடுபடுபவர்களுக்கு மிகவும் அவசியம்.

• 7ம் பாவம் 11யை தொடர்புகொள்ளும் அரசியல் தலைவர்களுக்கு மக்கள் கூட்டம் பிரமாண்டமாக கூடும்.

• 8ம் பாவம் 10ம் பாவத்தை தொடர்புகொள்வது திடிர் பதவி யோகத்தை தந்துவிடும். 8ம் பாவம் தன் பாவத்தை தவிர மற்ற எந்த பாவத்தை தொடர்புகொண்டாலும் தொடர்புகொண்ட பாவங்களுக்கு ஏற்ப சுப/அசுப பலன்களை திடிர் யோகமா அளித்துவிடும். இது ஒரு நன்மையான அமைப்புதான்.

• இறைவனால் அளிக்ககூடிய அதிஷ்டம் ஜாதகருக்கு,  ஒன்பதாம் பாவம் மூலமாக செயல்படும். இங்கு ஒன்பதாம் பாவம், கர்ம ஸ்தானம் என்னும் பாத்தாம் பாவத்தை தொடர்பு கொள்வது ஆட்சி பதவியில் எவ்வித சிரமமின்றி அமர்ந்துவிடலாம். மேலும் 9ம் பாவம் 1,3,5,7,9,11 தொடர்பு அரசியலுக்கு மிகவும் சிறப்பு வாய்ந்தது.

• தலைமை பதவி, நிர்வாக திறன், திறம்பட  அரசாளும் யோகத்தை அளிக்க கூடிய பத்தாம் பாவம், லக்னத்திற்கு 8,12ம் பாவங்களை தொடர்புகொள்ள கூடாது. மேலும் தன் பாவத்திற்கு 8,12ம் பாவங்களான 5,9ம் பாவங்களின் தொடர்பும்  அரசு பதவிக்கு சாதகமற்ற அமைப்பு ஆகும். பெரும்பாலான அரசியல் தலைவர்களின் பதவிகளுக்கு வேட்டு வைக்கும் அமைப்பு இது தான். மேலும் இவர்களுக்கான முக்கியதுவத்தையும் இழக்க வைத்திடும், அரசியல் வாழ்விற்கு துர்பலன் விளையும் சூட்சகமான அசுப அமைப்பு.

• இந்த அமைப்புள்ள ஜாதகர்கள் அரசியலில் அடிமட்ட நிலையிலே இருப்பார்கள். உயர்வு ஏற்பட்டாலும் பதவியும் பொறுப்பும் நிலைக்காமல் அரசியலில் சரிவை சந்திப்பார்கள்.

• ஒரு அரசியல் தலைவருக்கு 10ம் பாவம் என்பது மிக மிக முக்கியமானது. கேந்திர ஸ்தானங்களிலே மிகவும் வலிமை வாய்ந்தது. 12 பாவங்களிலே 10ம் மிகவும் முக்கியமானது. ஒருவருக்கு 10ம் பாவம் சிறப்பாக அமைந்துவிட்டால் பதவி, கௌரவம், அந்தஸ்த்து, தலைமை பொறுப்பு போன்றவை தானாக தேடிவரும். அரசு பதவிக்கு பத்தாம் பாவம் 2,4,6,10 தொடர்பு மிகவும் சிறப்பு வாய்ந்தது. இந்த அமைப்பு உள்ள அரசியல் தலைவர்கள் அசாத்திய திறமை வாய்ந்தவர்கள். கட்சியிலும், ஆட்சியிலும் உயர் பொருப்பில் இருப்பார்கள்.

• பத்தாம் பாவம் 8,12 தொடர்பு, போராடி வெற்றி அடைய வைக்கும் அல்லது அடைந்த வெற்றியை இழக்க வைக்கும். நேர் வழியில் கிடைத்த வெற்றியாக அமையாது.

• 5,9 பாவ தொடர்பு பதவியில் பொறுப்பற்ற தன்மையை தந்து பதவியை இழக்க வைத்துவிடும் அல்லது பதவியே கிடைக்காமல் போய்விடும்.

உதாரணமாக மாண்புமிகு முன்னால் முதல்வரும், தமிழக மக்களால் அம்மா என்று அழைக்கபட்ட, செல்வி. J.ஜெயலலிதா அவர்களின் ஜாதகத்தை ஆய்வுக்கு எடுத்துக்கொள்வோம்.

This is the Tamil translation of Brian Tracy's PSYCHOLOGY OF SELLING. The purpose of this book is to give you a series of ideas, methods, strategies and techniques that you can use immediately to make more sales, faster and easier than ever before. It's a promise of prosperity that sales guru Brian Tracy has seen fulfilled again and again. More sales people have become millionaires as a result of listening to and applying his ideas than from any other sales training process ever developed.

மாண்புமிகு. அம்மா அவர்கள் 24.02.1948 02:29:15 Pm, Melukote - Karnatakaவில் பிறந்தார்கள்.

மிதுன லக்னம், சிம்ம ராசி, மகம் 2ம் பாதம்.

கிரக தொடர்புகள்:

அரச கிரகம் சூரியன் 7ம் பாவத்திற்கு உபாதிபதியாக சதயம்(2) ராகு நட்சத்திரத்தில், சனி உப நட்சத்திரத்தில், சுக்ரனின் உப உப நட்சத்திரத்தில், கேது உப உப உப நட்சத்திரத்தில் அமர்ந்து தொடர்பு கொண்ட பாவங்கள் 3, 7,12 தொடர்பு அரசு தொடர்பை ஏற்படுத்தியுள்ளது.

சந்திரன் 2,10ம் பாவங்களுக்கு உபாதிபதியாகவும், குருவின் நட்சத்திரத்திலும், புதனின் உப நட்சத்திரத்தில் சுப அமைப்பில், 2,6,8,10ம் பாங்களை தொடர்புகொண்டு வலுவாக உள்ளது.

செவ்வாய் இரண்டாம் பாவத்தில், சிம்ம ராசியில் அமர்ந்து தொடர்புகொண்ட பாவங்கள் 1,5,11.

புதன் 8ம் வீட்டில் அமர்ந்து செவ்வாய் நட்சத்திரத்திரம், சுக்கிரன் உப நட்சத்திரத்தில் 1,11 தொடர்பை பெற்றுள்ளது.

குரு(6,9) கேது நட்சத்திரத்திரம், சுக்ரனின் உப நட்சத்திரத்தில் அமர்ந்து 1,5,9,11 தொடர்பை பெற்றுள்ளது.

சுக்கிரன் (1,11) புதன் நட்சத்திரத்திரம் சூரியன் உப நட்சத்திரத்தில் 1,7,11 பாவங்களை தொடர்பு கொண்டுள்ளது.

சனி(3,12) புதன் நட்சத்திரத்திரம், ராகு உப நட்சத்திரத்தில் 4,8,12 ம் பாவங்களை தொடர்புகொண்டுள்ளது.

ராகு(4,8) சுக்ரன்  நட்சத்திரத்தில், புதன் உப நட்சத்திரத்தில் 8,11 தொடர்பை கொண்டுள்ளது.

கேது(5) குரு நட்சத்திரத்தில், புதன் உப நட்சத்திரத்தில் 6,8 தொடர்பை கொண்டுள்ளது.

பாவ தொடர்புகள்:

லக்ன பாவம்: எண்சான் உடம்பிற்கு சிரசே பிரதானம் அதுபோல் ஜாதகத்தில் லக்ன பாவம் முதன்மையானது. அம்மா அவர்களின் ஜாதகத்தில் லக்ன பாவத்திற்கு சுக்ரன் 1,11 ம் பாவங்களுக்கு உபாதிபதியாக அமைந்து, புதன் நட்சத்திரத்திரம் சூரியன் உப நட்சத்திரத்தில் 1,7,11 பாவங்களை தொடர்பு கொண்டுள்ளது ஒரு சிறப்பான அமைப்பு. 1ம் பாவ தொடர்பு, நிலையான கௌரவத்தையும்; 7ம் பாவ தொடர்பு, பிரமாண்டமான மக்கள் தொடர்பையும்; 11ம் பாவ தொடர்பு எதிலும் வெற்றியை தரும்.

வாக்கு ஸ்தானம்(2): இரண்டாம் பாவம் சந்திரன் 2,10ம் பாவங்களுக்கு உபாதிபதியாகவும், குருவின் நட்சத்திரத்திலும், புதனின் உப நட்சத்திரத்தில் சுப அமைப்பில், 2,6,8,10ம் பாங்களை தொடர்புகொண்டு வலுவாக உள்ளது. இந்த அமைப்பு இரண்டாம் பாவத்திற்கு நன்மை அளிக்கும் அமைப்பு. கம்பீரமான பேச்சு, ஆளுமையான வாக்கு, பன்மொழி புலமை அனைத்தும் ஒருங்கே அமைந்ததால் மேடை பேச்சுகள், சட்டமன்ற விவாதங்கள், பொதுகுழு கூட்டங்கள் மற்றும் பத்திரிக்கை பேட்டிகளில் தூள்கிளப்பினார். வாக்கு ஸ்தானம் 8ம் பாவ தொடர்பினால் சில சமயங்களில் சிக்கலையும் சந்தித்தார்.

3ம் பாவம்: வீரிய, தைரிய, முயர்சி ஸ்தானம் என்னும் 3ம் பாவத்திற்கு,  சனி(3,12) உபாதிபதியாகவும், அவர் புதன் நட்சத்திரத்திரம், ராகு உப நட்சத்திரத்தில் 4,8,12 ம் பாவங்களை தொடர்புகொண்டுள்ளது.

அம்மாவின் ஜாதகத்தில் சனி அசுபராகவே செயல்பட்டார். இருந்த போதிலும் நாடு போற்றும் பெண் அரசியல் தலைவர்களின் வரிசையில், துணிசலுக்கு பெயர் போனவர், இதற்கு காரணம் ராகு வின் உப நட்சத்திரத்தில் சனி நின்றது. இதை தான் கூறுவார்கள் "கெட்டவன் கெட்டிடில் கிட்டிடும் ராஜயோகம்" என்று.

அம்மா அவர்கள் வாழ்வில் பல தடைகளை தாண்டி வெற்றியை அடைந்தார்கள். தடைகளை தந்து பல சோதனைகளை அனுபவிக்க முயற்சி ஸ்தானத்தின் 4,8,12ம் பாவ தொடர்பினால்.

பூர்வ புண்ணியம் என்னும் ஐந்தாம் பாவம் சுக்ரனின் வீடான துலாத்தில் அமைந்து, கேது(5) உப நட்சத்திரமாகவும், குரு நட்சத்திரத்தில், புதன் உப நட்சத்திரத்தில் 6,8ம் பாவ தொடர்பை கொண்டுள்ளது.

6ம் பாவ தொடர்பு அம்மா அவர்கள், கலை மற்றும் அரசியல் துறைகள் மூலமே தனது பணிகளை மிக சிறப்பாக செய்திட விதி கொடுப்பினை அமைந்துள்ளது. அரசியலில் ஈடுபடுபவர்களுக்கு இது ஒரு சாதகமான அமைப்பு.

ருண, ரோக, சத்ரு ஸ்தானம் என்று சொல்லகூடிய 6ம் பாவம், அம்மாவிற்கு யோகம் அளிக்ககூடிய குரு(6,9) உபாதிபதியாக அமைந்து,  கேது நட்சத்திரத்திரம், சுக்ரனின் உப நட்சத்திரத்தில் அமர்ந்து 1,5,9,11 தொடர்பை பெற்றுள்ளது. கலைதுறை மற்றும் அரசியலில் ஈடுபடுபவர்களுக்கு இது ஒரு சிறந்த அமைப்பு. 6ம் பாவத்தின் 11ம் பாவ தொடர்பு அம்மா அவர்கள் மக்கள் பணியில், தன்னை முழுமையாக ஈடுபட வைத்து, பல தேர்தல்களில் வெற்றி வாகை சூட வைத்தது.

ஒருவர் ஜாதகத்தில், நிலையான பாவங்கள் என்று சொல்ல கூடிய 1,2,6,7,10 ஆகிய பாவங்கள், ஒருவர் நீடித்த நிலையில்,தான் ஈடுபட்ட துறையில் தொடர்ந்து நிலைத்திட வலிமையாக இருக்க வேண்டும். அரசியல் மற்றும் அரசு பதவியில் அமர்பவர்களுக்கு இது மிகவும் அவசியம்.

அந்த வகையில், அம்மாவிற்கு யோகரான குரு மேற்கண்ட பாவங்களுக்கு, நேரடியாகவும், மறைமுகமாகவும் சூட்சம வலுபெற்று அரசாளும் யோகத்தை அளித்துள்ளார்.

ஜாதகர் சந்திக்க கூடிய நபர், செய்யும் தொழிலை குறிப்பது 7ம் பாவம், அம்மாவின் ஜாதகத்தில் 7ம் பாவத்திற்கு உபாதிபதியாக அரச கிரகமான சூரியன் அமைந்ததால் அரசு சார்ந்த மக்கள் பணியாற்றும் மந்திரிகள், சட்டமன்ற உறுப்பினர்கள், பாராளுமன்ற உறுப்பினர்கள், அரசு உயர் அதிகாரிகள் போன்ற ராஜ சம்பத்து உள்ளவர்களுடன் இணைந்து மக்கள் பணியாற்றும் அரும் பாக்கியத்தை பெற்றார்.

வியாபார வியூகங்கள் / Vyabara Vyugangal (Tamil Edition) 

அரசியலில் ஈடுபடுபவர்களுக்கு பாக்கி ஸ்தானம் என்னும் 9ம்  பாவம் நன்றாக அமைந்தால் தெய்வ அனுகிரகம் கிடைக்கும். அரசாட்சியை குறிக்ககூடிய ஒன்பதாம் பாவம் 8,12ம் பாவ தொடர்பின்றி இருப்பது நன்மை. அம்மாவின் ஜாதகத்தில் 9ம் பாவத்திற்கு குரு உபாதிபதியாக அமர்ந்து 1,5,9,11ம் பாவங்களை தொடர்புகொண்டது மிகவும் அதிஷ்டமான அமைப்பு. கடவுளின் பரிபூரண அருள் அரசாட்சிக்கு கிடைத்துள்ளது. அரசியல் ஆசை என்னும் 5ம் பாவ தொடர்பு நீடித்த அரசியல் வாழ்வை குரு அளித்துள்ளார்.

பதவியை குறிக்க கூடிய 10ம் பாவம் சந்திரன் உபாதிபதியாக குருவின் நட்சத்திரத்தில், புதனின் உப நட்சத்திரத்தில் அமர்ந்து.. தன் பாவத்திற்கு சாதகமான பாவங்களான 2,6,8,10யை தொடர்புகொண்டது இறுதி வரை பதவியில் இருக்கும் யோகம் அமைந்தது. நிரந்த பொது செயலாலராக இருந்த தற்கும் இந்த அமைவினாலே.

ஒரு மனிதனின் வெற்றியை குறிக்கும் பாவம் 11ம் பாவம். சுக்கிரன் உபாதிபதியாக 1,7,11ம் பாவ தொடர்பு அம்மாவிற்கு வெற்றிமேல் வெற்றியை சுக்கிரன் வாரிவழங்கினார்.

இதுவரை அரசியல் ஈடுபாட்டிற்கான விதி கொடுப்பினையை அம்மா அவர்களின் ஜாதகத்தில் பார்த்தோம். விதி வழி மதி செல்லும், மதி வழி மனிதன் செல்வான்.

விதி கொடுப்பினையை தங்கு தடையின்றி வாரி வழங்குவது மதி என்னும் தசை கொடுப்பினை.

அடுத்து வரும் கட்டுரையில் விரிவாக அலசுவோம்..

அரசியல் எனக்கு ஒத்துவருமா.. தலைவனாக்குமா தலையெழுத்து? - பாகம் 2

இதுவரை பொறுமையாக படித்தறிந்த உங்களுக்கு எனது பணிவான நன்றியை தெறிவித்து கொள்கின்றேன்.

எமது குருநாதர், சார ஜோதிட சக்ரவர்த்தி, உயர்திரு. A. தேவராஜ் ஐயா அவர்களின் நல்லாசியுடன்...

திலக். ஜெ. பாலமுருகன் M.C.A.,
Advanced KP Stellar Astrologer,
Member, All India Stellar Astrologer Association - Chennai | India.
+91-9940137099 | 8825518634  Jbm2k07@gmail.com

Recent Post: 

• தாம்பத்தியத்தில் யார் கில்லி?
• உறுமுவதற்கு இல்லை என்றாலும் இருமுவதற்காவது வீட்டுக்கு ஆம்பள வேணும்!
• பிரபல ஒளிப்பதிவாளர் ஆகும் யோகம் யாருக்கு? 

Read more popular posts.

Read More