உச்சிஷ்ட மஹா கணபதி போற்றி...!
அனைவருக்கும் வணக்கம்...!
ஜாதகரின் சரியான, பிறந்த நேரத்தை துல்லியமாக, கண்டறிவதை பற்றி தொடர் கட்டுரையாக படித்து வருகின்றீர்கள்.
சமிபத்தில் நிகழ்ந்த, ஒரு நெகிழ்ச்சியான சம்பவத்தின் அடிப்படையில், ஆளும் கிரங்களின் அற்புதத்தை விளக்கும் விதமாக இந்த கட்டுரையை எழுதியுள்ளேன்.
கடந்த சனிக்கிழமை 06/10/2018 அன்று மாலை 06:20 Pm க்கு, எனது மனைவியின் உறவினர், நம்மிடம் ஜாதகம் பார்க்க வந்திருந்தார்கள்.
வந்தவர் சற்று கவலை தோய்ந்த முகத்துடன் காணபட்டார்...!
நம்மிடம் அவரின் மகளின் ஜாதகத்தை கொடுத்தார்.
தம்பி, என் மகளுக்கு திருமணம் ஆகி ஐந்து வருடங்கள் கடந்துவிட்டது. இன்னும் அவளுக்கு குழந்தை இல்லை.
இதற்காக நாங்கள் வேண்டாத தெய்வம் இல்லை...!!
அவளுக்கு பார்க்காத வைத்தியமும் இல்லை...!!
எங்கள் வேதனையை சொல்ல முடியாத நிலையில் இருக்கின்றோம்.
இவளுக்கு நல்ல காலம் எப்பதான் பொறக்கும்னு???... சொல்லுங்க தம்பி என்று மிகுந்த கவலையுடன், குரல் தழுக்க கேட்டார்கள்.
ஜாதகத்தை வாங்கிய அத்தருணம், ஆளும் கிரகங்களை, குறித்து கொண்டேன்.
அவர் மகளின் ஜாதகத்தில் பிறந்த நேரத்தில் சில வினாடிகள் மாற்றம் செய்தேன்.பிறந்த நேரத்தில், தவறு உள்ளது என்பதை உணர முடிந்தது. ஆறு மாதத்திற்கு மேல் வேலைக்கு செல்லாமல், குழந்தை பேறுக்காக மருத்துவ சிகிச்சை மேற்கொள்வதற்காக, வீட்டில் உள்ளார் என்பதை கூறியதின் அடிப்படையில், அவரது மகளின் ஜாதகத்தில், பிறப்பு நேரம் தவறக உள்ளதை பார்க்க முடிந்தது. இதற்கான விளக்கத்தை கட்டுரையில் விளக்கியுள்ளேன்.
அன்றைய ஆளும் கிரகத்தை பொருந்தி வருமாறு அவரது லக்ன பாவமுனையில் கிரகத்தை சரியாக வருமாறு அமைத்தேன்.
திருத்திய பிறந்த நேரத்திற்கு ஏற்ப சில கேள்விகளை கேட்டு நிகழ்ந்த சம்பவங்களின் அடிப்படையில், பிறந்த நேரத்தை துல்லிய படுத்தினேன்.
தசா புக்தியின் அடிப்படையில் ஆராய்ந்த போது ஜாதகருக்கு சூரிய தசை (2,5,8,11) முறையே தன/குடும்ப ஸ்தானம்(2), புத்திர ஸ்தானம்(5), ஆயுள் ஸ்தானம்(8) மற்றும் லாப ஸ்தானத்தை(11) முன்னிறுத்தி நடக்கின்றது.
ராகு புக்தி (1,3,7,9) முறையே உயிர் என்னும் லக்ன ஸ்தானம்(1), வீரிய தைரிய ஸ்தானம்(3), களத்திர ஸ்தானம்(7) மற்றும் பாக்கிய ஸ்தனத்தை(9) முன்னிறுத்தி, ஜாதகருக்கு குழந்தை பேறுக்கான நல்ல சாதகமான நிலையில் உள்ளது.
இங்கு தீமை பயக்க கூடிய 8ம் பாவத்தை துண்டிக்கும் வகையில், புக்தியில் 7ம் பாவம் உள்ளதால், ஜாதகருக்கு எதிர்பார தீமையான நிகழ்வுகள் தவிர்க்கபடும்.
மேலும் தசையில் 2,8யை கட்டுபடுத்தக்கூடிய, சம சப்தம பாவமான 1,7 வந்ததால், ஜாதகருக்கு 8ம் பாவத்தின், தீமை முற்றிலும் செயலிழக்கபட்டுள்ளது.
தன ஸ்தானமும்(2) கட்டுபடுத்தபட்டதால் ஜாதகர், வேலைக்கு செல்லமுடியாத நிலையை காட்டுகின்றது.
இங்கு உங்களுக்கு ஒரு கேள்வி எழும்..!
குடும்ப ஸ்தானம் செயல் இழந்தால், அவர் எப்படி இந்த புக்தியில் கனவருடன் இணைந்து வாழ முடியும்...???இங்கு புக்தி நாதன் 1,3,7,9 யை பலமாக நடத்துவதால், குடும்ப ஸ்தானத்தின் அதாவது 2ம் பாவத்தின் அக காரகங்கள் எவ்வகையிலும் பாதிக்காது.
இவருக்கு ராகு புக்தி கடந்த ஜனவரி 08, 2018ல் இருந்தே துவங்கியுள்ளது. கண்டிபாக இந்த நேரத்தில் கர்பமாக இருக்க வேண்டும் என்பது தெள்ள தெளிவாக தெரிகின்றது.
இதை உறுதிபடுத்த அவரது மாப்பிள்ளை ஜாதகத்தையும் ஆராய வேண்டும்.. ஆனால் அவரது ஜாதகத்தை கொண்டுவரவில்லை... பிறந்த நேர விவரமும் நினைவில் இல்லை என்று கூரினார்கள்.
சற்று சோதனையான தருணம் என்றாலும்.. வந்தவருக்கு உறுதியான பதிலை அளித்து ஆறுதல் தரவேண்டிய சூழ்நிலையில் இருந்தேன்.
உடனே ஆளும் கிரகத்தை கவனித்தேன்... சந்திரன் நிலையில் புத்திர காரகரான குரு உப உப உப அதிபதியாக இருந்தார்... இந்த அமைவு எனக்கு சற்று நம்பிக்கையை ஊட்டியது...
ஜாதகரின் 5ம் பாவ முனையில் செவ்வாய் உப உப உப அதிபதியாகவும், குரு ராசி அதிபதியாகவும் உள்ளார்... கண்டிபாக அவர் கர்பமாக உள்ளார் என்ற கணிப்பில் 99% ஊர்ஜித படுத்திவிட்டேன்...
மேலும் அந்த நேரத்தில், தெருவில் நடந்து சென்ற ஒரு பெண்மணி.. "என்னாக்கா...!! குரு பெயர்ச்சி ஆகிட்டாரு போல...!!!" என்று சத்தமாக கூறிகொண்டு, தெற்கிலிருந்து வடக்கு திசை நோக்கி செல்வதை கவனித்தேன்... இதைவிட நமக்கு வேறு என்ன பிரசன்னம் அமையும் என்று... 100% உறுதிபடுத்தி...
அவர்களிடம்... "உங்கள் மகள் தற்போது கர்ப்பமாக இருப்பதற்கான வாய்ப்புகள்.." உள்ளது என்று கூறினேன்.
வந்தவர் திகைத்து போய்... தம்பி உங்கள் வாக்கு பலிக்கட்டும்... ஆனால் மதியம் கூட என் மகளிடம் பேசினேன்... அதற்கான எந்த முன்னேற்றமும் இல்லை என்றே கருதுகின்றேன், அவளிடம் இருந்து எந்த செய்தியும் வரவில்லை தம்பி என்றார்.
சரி..., உங்கள் மகளுக்கு இப்பொழுது போன் போடுங்கள்... அவர்களின் உடல் ஆரோக்கியத்தில் ஏதாவது சிறு மாற்றம், கடந்த இரு வாரங்களாக உள்ளதா..?? என்று மட்டும் கேளுங்கள் என்றேன்.
சென்னையில் வசிக்கும் மகளிடம், அவர் போன் போட்டு இதே போல் கேட்டார்... எதிர் முனையில் அவர்களின் மகள்... இரு வாரமாக சரியாக சாப்பிட முடியவில்லை.. சாப்பிட்டால் குமட்டலாக இருக்குது மா... திடிரென்று பெய்யும் தொடர் மழையால் இருக்குமென்று நினைக்கிறேன் என்று கூறினார்... பிறகு போனை துண்டித்துவிட்டு என்னிடம் தொடர்ந்தார்...
தம்பி... நீங்கள் சொல்றமாதிரி... உடல் ஆரோக்கியத்தில் வித்தியாசம் உள்ளது என்றார்..!!!
உடனே மருத்துவ சோதனை செய்ய சொல்லுங்கள்... கர்பமாக இருப்பதற்கான வாய்புகள் நிறைய உள்ளது என்று அவர்களிடம் கூறினேன்.
வந்தவர் சரி என்று கூறிவிட்டு... சந்தோஷ மனத்துடன் எம்மை வாழ்த்தி சென்றார்.
மறுநாள் ஞாயிறு 07/10/2018 அன்று காலை 10:14am க்கு அவரே கால் செய்து.. மிகுந்த சந்தோஷ குரலுடன்... "தம்பி நீங்க சொன்னதுபோல்.... எம் பொண்ணு 6 வாரம் கர்ப்பமா இருக்காபா...!" அந்த ஆண்டவந்தா உம் மூலையமா தெரிய வைச்சிருக்கார்பானு...! மகிழ்ச்சியின் உச்சத்தில் கூறினார்கள்...!!!
மிக்க சந்தோஷம் என்று பதில் அளித்துவிட்டு... அவர்களுக்கு வாழ்த்துகள் சொன்னேன்.
ஆளும் கிரகத்தின் அதி அற்புதமான மகத்துவத்தை இப்பொழுது அனைவரும் அறிவீர்கள் என்று உறுதியாக நம்புகின்றேன்.
உயர்கணித சார ஜோதிடத்தில், எளிமையாக வகுகக்கபட்டுள்ள, பன்னிரெண்டு விதிகளை கொண்டு, சரியான பிறப்பு நேரத்தை, மிக எளிதாக கண்டுபிடித்துவிடலாம்.
சார ஜோதிட விதிகளை மேலும் தெரிந்துகொள்ள, எமது குருநாதர், உயர்கணித சாரஜோதிட சக்கரவர்த்தி, உயர்திரு. A. தேவராஜ் அய்யா அவர்களின், கொடுப்பினையும் தசாபுத்தியும் நூலில் படித்து அறியலாம்.
மேலும் ஆளும்கிரக நிலைகளை எவ்வாறு கையாள வேண்டும் என்பதை மதிப்பிற்குரிய ஜோதிஷ ஆச்சார்யா S. அண்ணாமலை அவர்களின், சீர்மிகு எழுத்து படைப்பில் உருவாகியுள்ள "சிற்றின்ப சிகரங்கள்" புத்தகத்தில் மிக விரிவாக படித்து அறியலாம்.
எளிமையான விதிகளை, நமது கட்டுரையில், ஒவ்வொன்றாக அறிந்து வருகின்றோம்.
மேலும் இதை பற்றிய தகவல்களை அடுத்து வரும் தொடர் பதிவுகளில் விரிவாக காணலாம்.
இதுவரை பொறுமையாக படித்தறிந்த உங்களுக்கு எனது பணிவான நன்றியை தெறிவித்து கொள்கின்றேன்.
எமது குருநாதர், சார ஜோதிட சக்ரவர்த்தி, உயர்திரு. A. தேவராஜ் ஐயா அவர்களின் நல்லாசியுடன்...
திலக். ஜெ. பாலமுருகன் M.C.A.,
KP Stellar Astrologer,
Member, All India Stellar Astrologer Association - Chennai | India.
+91-9940137099 | 8825518634 | Email- Jbm2k07@gmail.com
Posts
